II Samuuele 2:26 - O Mikanda Ikola

²⁶ Abinele anga u kola, u handekela Jouabe, uixi: Kifua xibhata ié ki i zumbuka dingi mu kúnua manhinga? Mbé kua kʼijiia kuma dizubhilu diê di lula? Manhi u di xibhé, ngué ku tumina o mundu phala a batuke mu kaia o phange jâ?

II Samuuele 2:26 ပူးပေါင်းရင်းမြစ်များ

II Samuuele 11:25

Davidi anga u ambela phunga, uixi: Jouabe ua kà mu kunda kiki, uixi: Kimʼiki ki ki ku iibhile kiavulu, kuma xibhata se i dia iú, i dia ue mukuâ; ita-phe i kolokote dingi ku mbandu joso ja mbanza, katé ki mu i sengulula; ua kà mu suinisa muene kienhiki.

II Samuuele 2:14

Abinele anga u ambela Jouabe, uixi: Minzangala a balumuke, nga ku diondo, a fikise hanji kubhanga bhu pholo ietu. Jouabe uixi: A balumuke-phe.

II Samuuele 2:16

Ene oso-phe, kala muthu ni muthu u kuata mukuâ mu mútue, anga kala muthu u kuba mukuâ mu jimbanji ni mukuale uê; ene oso anga a di bhalela bhobho, ki bhuala ua subhuka. Kididi kienhokio anga a ki luka, Kididi kia Jiphoko Jatu, mu Ngibeione.

II Samuuele 2:25

Anʼa Bejami anga a di bhongolola oso bhuala Abinele, hé a di bhanga kibuka kimoxi, anga emana bhu thala ia kalundu.

II Samuuele 2:27

Jouabe uixi: Nga loka muene kala Jihova kiala ku muenhu, kuma eie se ua kambele kuzuela mu kimene, hinu mundu ua muangana, keji kukaia jiphange jâ.

Jobe 18:2

Ua-nda kusuka bhebhi ni kudimbikiza mu kuzuela kué? Xinganeka kiambote, phala tu zuele kiua.

Jobe 19:2

Katé bhebhi mu tatesa muenhu uami, ni ku ngi iokojola ni kuzuela?

Jisálamu 4:2

Enu malʼenu, mu ki jijidila-hi anʼathu, tata, o ku ngi jingununa ni ku ngi sebulula? Mu suka katé bhebhi ni kuzola malebhu, ni kubhindamena makutu? (Selah.)

Jisabhu 17:14

Mvunda bhu iandekela, mukua n: kubula mumba ua menha; tula-phe o ku di ẋokuesa ni mukuenu, kiosuiki mvunda kiluua ibambuka.

Izaía 1:20

O ki mu dituna-phe, anga mu ẋinuka, muanda kudiua ku xibhata; kuma dikanu dia Jihova dia ki tange.

Jelemiia 12:12

Mu ididi ioso ia di leka ia kikangalakata mua tundu akua kubuikisa; mbata o xibhata ia Jihova i leleka tundé hota ia ixi katé hota ia mukuâ; ki bhuala xitu i kala ni kutululuka.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 4:21

O mvela i ngi kala ku mesu katé bhebhi? Katé bhebhi ni kuivua o mutendu ua koloneta?

Jelemiia 46:10

Mbata o kizuua kiki kiene o kizuua kia Ngana, kia Jihova dia Ifuẋi, kizuua kia kuvutula phonzo phala nʼa vutule ditota ku jinguma jê; o xibhata ia kà dia, ia kʼekuta, ia kà kodiua ni manhinga mâ. Mbata Jihova dia Ifuẋi, o Ngana,— uala ni kilumbu mu ixi ia kusuku, bhu mbandu ia ngiji ia Ufalate.

Jelemiia 46:14

Exi: Tuienu mazelele mu Ijitu, kiki ivisenu-kiu bhu Mingidole, jimbulenu-kiu a kivue mu Nofe ni mu Tafane; tangenu, muexi: Di bhakule, u di lunge; mukonda o xibhata ia di kiá kioso kia ku kexile mu jimbandu jé.

Hozeia 11:6

Xibhata ia-nda ku di ta mu jisanzala jâ, hé ia kà bula jisabhi ku mabhitu mâ, anga ia kà a jikinisa, mukonda dia jiphangu jala kuia ni ku di longesa mudiâ.

Jipoxolo 7:26

Kukia ni kimene, u sanga dingi akua Izalaiele kiiadi ala kuzoka anga u sota ku a bheka ku paze, uixi: Enu jingana, muala mu jiphange, mu di bhangela-hi usueia?