II Samuuele 2:23 - O Mikanda Ikola

²³ Muene-phe kuma ka xikina ku mu batuka, Abinele anga u mu ẋuka ni muxixi ua dionga diê bhu lumbanji lua katatu, mukutu uê anga u kubuka, sosa ia tundidila kuema; anga u dibhala, u fuila bhu kididi kienhokio. Bhenhobho-phe oso a tula kididi bhua dibhalela Azaiele, bhua fuila, emana hanji ni ku mu tala.

II Samuuele 2:23 ပူးပေါင်းရင်းမြစ်များ

II Samuuele 2:24

Jouabe-phe ni Abisai aia ni kukaia Abinele. Dikumbi anga di a fuila mu kubhiẋila bhu kalundu ka Ama, mu kuila o Ngiia ualela ku mbandu ia thunda mu njila iia ku kikangalakata kia Ngibiione.

II Samuuele 20:10

Amasa-phe xibhata iala bhu lukuaku lua Jouabe ka i mono. Kienhiki-phe muene u mu ta na-iu mu divumu, mídia iê u i sukumuina bhoxi. Ka mu tona dingi, anga u fuila bhobho. Ni Jouabe-phe ni Abisai phangʼiê, hé aia ni kukaiela Seba, monʼa Bikidi.

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

II Samuuele 3:30

Kienhiki ni Jouabe, ni Abisai phangʼiê, a jibha Abinele, mukonda muene ue ua jibha ndengʼiâ Azaiele bhu Ngibiione ku ita.

II Samuuele 4:6

Anga a bokona mʼonzo, kala a-ndu katula tiliku; muene anga a mu ta mukuale mu jimbanji; Lekabe ni phangʼiê Bahana anga a lenga.

II Samuuele 5:6

Muenexi ni makuenze mê anga a katuka aia ku Jeluzaleme, kúlua ni akua Jebuzi ene akua ʼxi mʼokulu. Ene anga ambela Davidi, exi: Ki u kamba kutolola hanji o ifôfo ni inema, mumu kutena kubokona-mu. Kuma a fika Davidi u lémbua kukobona.