II Samuuele 2:18 - O Mikanda Ikola

¹⁸ Ana atatu a Zeluia anga a kala-bhu bhenhobho, ni Jouabe, ni Abisai, ni Azaiele. Azaiele-phe u lenguluka inama kala mbâmbi mu iangu.

II Samuuele 2:18 ပူးပေါင်းရင်းမြစ်များ

II Samuuele 1:23

Saúlo ni Jonata mu kukola muenhu o kuuabha, o ku di zola, ka di uanununa-phe, kixi ku muenhu kixi mu kufua kuâ, mu kulenga lusolo a somboka jiholokoko, mu kusuina kinéne a tunda jihoji,

II Samuuele 14:1

Kiki-phe Jouabe, monʼa Zeluia, u mona kuma muẋima ua muenexi ua mu kala kiá kua Abisalone.

II Samuuele 2:19

Azaiele anga uia ni kukaia Abinele; mu kukaia ka ẋkina kuabhuka ku kiasu mba ku kúdia, ua jijila Abinele muene.

II Samuuele 22:34

U bhangesa inama iami i soka ni ia hoha, u ngʼimanesa matala ma di leka,

II Samuuele 23:24

Azaiele, phange ia Jouabe, u tokala ue mu makuinhi atatu. Ene enhá: Elihamana monʼa Dodo ku Beleme,

I Jisobha 2:5

Kima kiamukuá eie ua kʼijiia kioso kia ngi bhanga Jouabe, monʼa Zeluia, kioso muene kia bhanga o kabhitangu jiiadi ja ifuẋi ia Izalaiele, Abinele monʼa Nedi, ni Amasa monʼa Jetele, ua a jibha, iu ua ẋamuna o manhinga ma ita mu thembu ia paze, iú ua ta o manhinga ma ita ku phonda iê ia zuata mu mbunda, ni mu jisabhatu jê ja te ku inama.

I Malunda 11:26

Enhá ene ilôlo ia kifuẋi kia masoladi akexi na-u Davidi: Azaiele, phange ia Jouabe, Ele-hanane mona a Dodo, ku Beleme,

I Malunda 12:8

O ku akua Ngade, adibande kua Davidi, a mu sange bhu kididi kia nguzu, mu kikangalakata, mala a mazonda a ita, abhebhuluka kiambote mu kubhânga, abhakata o madionga ni jingubu, jipholo jâ mukuâ ni ja jihoji, o mu lusolo mukuâ ni jimbambi ku milundu.

I Malunda 12:9

Azele muene o kilolo kiâ, Hubadiia, uakaiela, Eliiabe muene ua katatu,

I Malunda 27:7

O uà kauana ku mbeji ia kauana, Hazaiele, phangʼia Jouabe, o kua muène kua kaiela Zabadiia dia monʼê. Muenhú ue mu kibuka kiê mua kexile makuinhi aiadi a midi ia muthu ni midi jiuana.

Jisálamu 18:33

U bhangesa inama iami i soka ni ia hoha; ngi kanduka ididi ia di leka.

Ndongixi 9:11

O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

Mukumbi ua Mikumbi 2:17

Kioso utalalu ua ngoloxi ki uiza luua, anga ilembeketa ioso i jimuka, vutuka kazola kami; di bhange kala hoha, uila kala monʼa ngulungu ku thanduʼa milundu ia Betele, iezala matadi.

Mukumbi ua Mikumbi 8:14

Izá lusolo, kazola kami, u di bhange kala hoha, uila kala monʼa ngulungu ku milundu ia mixi ia mazumba ma nuha kia mbote.

Amoji 2:14

Kienhiki-phe muthu hé uedi u bhebhuluka inama, kulenga kuê ki kuanda kutena ku mu kudila; o mukua nguzu, undanda uê ki ua kà mu bhana kima; dizonda ue ua kà tokoka ku bhângela muenhu uê.

Habakuke 3:19

Jihova, Nzambi, muene nguzu iami, muene ua kà suinisa inama iami ni i sokela ni ia jihoha ku milundu, ua kà ngendesa mu ididi ia di leka!

I Samuuele 26:6

Bhenhobho Davidi anga u ambela Ahimeleke mukua Hiti, ni Abisai monʼa Zeluia, phange ia Jouabhe, uixi: Nanhi u ngi bheka, ni tu kulumuka bhu kibangu bhobho bhua Saúlo? Abisai uixi: Eme ngi ku bheka.