II Samuuele 2:1 - O Mikanda Ikola

¹ Kia bhiti iene ioso iii, Davidi u ibhula kua Jihova, uixi: Ki ngalʼiki, ngi banda ku mabhata ma Juda, inga kana? Jihova anga u mu ambela, uixi: Banda. Davidi uixi: Ngi kana dibhata diebhi? Ngana, uixi: Uia ku Hebolone.

II Samuuele 2:1 ပူးပေါင်းရင်းမြစ်များ

Dimatekenu 13:18

Mbalamu anga u sondolola dingi jibalaka jê, uiza hé u tunga bhu miẋi ia mikaluvalu iaʼxi ia Mamele, ia zukama bhu Hebolone; bheniʼobho anga u tunga-bhu kalatódio phala Jihova.

Dimatekenu 32:2

O kia zubha ku a mona, Jakobo, uixi: Kiki kilômbo kiangene kia Nzambi. O kididi kienhókio anga u ki luka Mahanaíme.

II Samuuele 15:7

Kia bhiti mivu iuana, Abisalone u ambela muenexi, uixi: Nga ku diondo, ngi bhane disesa ngiie ku Hebolone ngi kumbidile kizuelu kiami ki nga bhana kua Jihova.

II Samuuele 2:11

Thembu ia bhange Davidi ku ungana ua Juda mu Hebolone, sambuadi dia mivu ni mbeji jisamanu.

II Samuuele 5:19

Davidi anga u ibhula kua Jihova, uixi: Ngi banda mu kúlua ni akua Fidíxia, inga kana? Manhi ua-nda ku ngi thelekala-nâ bhu lukuaku luami? Jihova anga u ambela Davidi, uixi: Banda, kuma ni kidi kiene akua Fidíxia nga kà a thelekala muene bhu lukuaku lué.

II Samuuele 5:23

Davidi-phe ki ebhula kua Jihova, Jihova uizi: Kana kubanda; inda u ta honda, hé u a kondela ku dima, ua a zombela bhu miẋi ia jimolela.

I Jisobha 2:11

O izuua ia bhange Davidi ni kutumina Izalaiele, makuinhi auana a mivu; sambuadi dia mivu dia tumina mu Hebolone, o makuinhi atatu a mivu ni itatu, a tumina mu Jeluzaleme.

I Malunda 29:7

Anga a bhana midi jitanu ja jitalendu ja ulu, phala o kikalakalu kia inzo ia Nzambi, ni kuinhi dia midi ia iphaka ia phalata, ni kuinhi dia midi ia jitalendu ja phalata, ni kuinhi dia midi ni nake ia jitalendu ja kobidi, ni hama ia midi ia jitalendu ja felu.

II Malunda 11:10

ni Zola, ni Ajalone, ni Hebolone, ja kexile mua Juda ni Bejamí, jimbonge ja nguzu.

Jisálamu 143:8

Ngi bhangese kuivua o kulenduka kué mu kimene, kuma eie-muène nga ku dielela; ngʼidikize o njila ioso i nga tokala kuila, kuma o muenhu uami ua bhetukila ko kué.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Izekiiele 36:37

O Jihova Nzambi ua tange kiki, uixi: Mu kienhiki hanji o muiji ua Izalaiele a-nda ku ngi bhinga-kiu; kuila nga kà a sokoluela athu kala kilunga kia ibhaku.

Dialuilu 13:22

Ku mbandu ia Sulu a bhiti-ku, a bhikila mu Hebolone; mua tungu Ahimane, ni Xexai, ni Talamai, anʼa Anake. (Hebolone muene a dianga ku mu tunga, Zouane mu Ijitu ua xala kuema, bhu kaẋi bhua bhiti sambuadi dia muvu.)

Dialuilu 27:21

Muene uimana bhu pholo ia nganga Eleazale, o ió u kala mu ku mu zambuila, muzambu ua Udimi kua Jihova, hé bhu kala kutunda, kizuelu ki tunda kua muene; hé bhu kala kubokona, kizuelu ki tunda kua muene; ni muene ni ana oso a Izalaiele kumoxi, kilômbo kiê kioso.

Josuué 15:13

O Kalebe-phe, monʼa Jefune, ua mu bhana undundu uê, muʼaxaxi ka anʼa Judá, kala kioso kia ki tanga Jihova kua Josuué, kiene muene kia bhange; ua mu bhesa sanzala ia Halaba, tata ia anʼa Anake; iene-phe sanzala i exana exi, Hebolone.

Afundixi 1:1

Mu kukala-kukala, Josuué kia zubha kúfua, anʼa Izalaiele ebhula kua Jihova, exi: Nanhi u tu kalela ku pholo mu kubanda ku Makanana, ni kúlua-nâ?

I Samuuele 10:22

Kienhiki ebhula dingi kua Jihova, exi: Muthu iú manhi kiluua eza bhabha? Jihova anga u vutula, uixi: Muene ió, ua suama mu imbamba ieza na-iu athu.

I Samuuele 23:2

Davidi anga u ibhula kua Jihova, uixi: O kuila ngiia kubeta akua Fidíxia enhá? Jihova anga u vutuila Davidi, uixi: Ndeie, u bete akua Fidíxia, u kudile Keila.

I Samuuele 23:4

Bhenhobho Davidi u tona dingi kuibhula kua Johova. Jihova anga u mu vutuila, uixi: Balumuka, u kulumuke ku Keila; mukonda eme ngi ku bhana akua Fidíxia bhu maku mé.

I Samuuele 30:31

ni ku akua bhata mu Hebolone, ididi ioso kiá kua kexe mu suama Davidi ni makuenzemê.