II Samuuele 19:8 - O Mikanda Ikola

⁸ Bhenhobho muenexi anga u balumuka, u xikama bhu muelu ua kimbaka. Anga a ki tangela mundu uoso, exi: Muenexi-ze iú ua xikama bhu muelʼú. Bhenhobho mundu uoso anga eza bhu pholo ia muenexi. Maji-phe akua Izalaiele oso a lenge kala muthu ku bhata diê.

II Samuuele 19:8 ပူးပေါင်းရင်းမြစ်များ

II Samuuele 15:2

Abisalone anga u kala mu di meneka, u imana bhu mbanduʼa njila bhu muelu ua kimbaka. Bhenhobho-phe kʼiza muthu uoso-uoso ni dimanda dia kufundila bhu pholo ia muenexi, Abisalone u mu ixana, uixi: U mukua bhata kuebhi? Muene uila, uixi: Ngi mubhiukʼé, nga tokala bhu nganji mu miji ia Izalaiele.

II Samuuele 18:17

Anga a katula Abisalone, a mu takula mu dikungu mu ditutu, a mu longekela lumu ia matadi ku thandu diê. Akua Izalaiele oso-phe anga a muangana kala muthu ku bhata diê.

II Samuuele 18:24

Kiosuiki Davidi ua xikama bhu kaẋi ka mielu iiadi. O mulangidi uala ku kilangidilu, anga u banda ku thandu dia lumbu bhu muelu, u zambula mesu u zongola mu kanga, u mona múthu iú uiza iuná ubheka uê ni kulenga.

II Samuuele 18:4

Bhenhobho muenexi anga u a ambela, uixi: Kioso ki mua mono kiatokala, eme kiene ki ngi bhanga. Muenexi anga u imana bhu mbanduʼa muelu ua kimbaka, mundu u kala mu kutunda ku jihâma ni jimidi.

II Samuuele 19:3

Mundu anga mu ku bhongoloka ku bhata kizuua kienhokio eza ni kuzomba, mukuâ ni athu ala ni jisonhi, kiʼomboloka mu lenga ku ita.

I Jisobha 22:36

Anga mu kifuẋi mu bhita ngonge kia zubha dikumbi kujika, exi; Kala muthu ni muthu aie ku sanzala iê, kala muthu ni muthu a vutuke kʼoxi iâ!

II Jisobha 14:12

O Juda anga a mu tolola kuala Izalaiele, ene oso anga a lengela muthu ni muthu ku jibalaka jâ.

II Jisobha 8:21

Kieneʼokio-phe Jeholá u bhita, uia bhu Zaíle ni makalu moso kumoxi-nê; anga u balumuka mu usuku, hé u jibha akua Idomo oso a mu kexile mu jimbandu, kumoxi ni jikabhithangu ja makalu; o kifuẋi anga kiia mu jibalaka jâ.

I Samuuele 4:10

Akua Fidíxia anga a bhânga ni nguzu ioso, a beta Izalaiele, ene anga a lengela kala muthu ku bhata diê. Anga bhu bhita kihaẋi kia dikota, kuma ku mbandu ia Izalaiele kua dibhale makuinhi atatu a midi ia muthu akua kuenda bhoxi.