II Samuuele 19:43 - O Mikanda Ikola

⁴³ Akua Izalaiele anga a vutuila akua Juda, exi: Muenexi ua tu tokala etu, enu ndenge; mua tu tèndela-hi-phe, mu kamba ku dʼivisa ni etu, mu kutakana dingi muenexi uetu? Maka ma akua Juda anga ma beta kusuína, maka ma akua Izalaiele ndenge.

II Samuuele 19:43 ပူးပေါင်းရင်းမြစ်များ

II Samuuele 19:14

Kienhiki anga u bilula o mixima ia akua Juda oso, kala muẋima ua muthu umoxi ngó; ene oso anga a tuma kuambela muenexi, exi: Vutuka ku bhata, ni eie ni makuenze mé moso.

II Samuuele 19:9

Mundu uoso anga a kala mu zoka mu miiji ioso ia Izalaiele, ni kuzuela, exi; Muenexi muene ua tu kudidile bhu lukuaku lua jinguma jetu, muene ua tu bhuluile bhu lukuaku lua akua Fidíxia; o kiki-phe mʼoxi ua lenge-mu mukonda dia Abisalone.

II Samuuele 20:1

Bhenhobho anga bhu kala muthu ua tokala ni Kadiaphemba, dijina diê Seba, monʼa Bikidi, mukua muiji ua Bejamí; muenhú anga u xika koloneta, uixi: Etu mu kisangela kia Davidi, ki tuala-mu, mba tu kala ni undundu mua monʼa Jese! Muanganenu Izalaiele, kala muthu aie ku balaka iê!

II Samuuele 20:6

Davidi anga u ambela Abisai, uixi: O ki tualʼiki, Seba monʼa Bikidi, ua-nda beta ku tu bhanga kiaiibha, ioso ia bhangele Abisalone i kala ndenge. Eie ndoko u kuate makuenze a muadiʼé, u mu kaiele, imoxi u bokona mu jimbonge ia bhiti malumbu, u tu xia ku mesu.

II Samuuele 5:1

Thembu ioso-phe miji ioso ia Izalaiele anga eza kua Davidi bhu Hebolone, exi: Etu-ze tu kifuba kié, tu xitu ié.

I Jisobha 12:16

Izalaiele ioso-phe kia mono kuma, sobha ka a bhana mátui, athu oso a mu vutuila, exi: Mbandu iahi i tuala na-iu ni Davidi? Kua monʼa Jese kana-ku undundu uetu, Ndé ku jifundu jenu, eie u Izalaiele! Kindala soka ni dibhata dié, eie u Davidi. Bhenhobho Izalaiele ioso a di muangena ku jifundu jâ.

Jisabhu 13:10

Ukumbu-phe u bheka ngó jimvunda; athu-phe a tetulukʼó, a bhanga ioso ni unjimu.

Jisabhu 15:1

Kuvutula kua kulenduka, kubhuisa jimvunda; maji o kuzuela kua kunonga, kubhekela njinda.

Jisabhu 17:14

Mvunda bhu iandekela, mukua n: kubula mumba ua menha; tula-phe o ku di ẋokuesa ni mukuenu, kiosuiki mvunda kiluua ibambuka.

Jisabhu 18:19

O kubhomba phange ua luuala ku beta kubhonza, ku tambula o mbonge ia imbaka ndenge; o jinzaia ja kuzoka-zoka ja soka ni jisabhi ja felu ku dizemba.

Loma 12:21

Kana kuehela phulu ku mi tolola, inda enu-ku mu tolola o phulu ni mbote.

Ngalásia 5:15

Maji se mu kala uila mu iama, ni ku di ta mazu, ni ku di hamena mudienu, di langienu-phe, kuma muanda kudiua enu oso, hé mu jima o mbutu, se mu kamba kukuata kilunji.

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

Ngalásia 5:26

Ki tu kale ni izala, ki tu di thathamese mudietu, ki tu di kuatele dixinga.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

Tiiaku 1:20

Mukonda o kuthathamana kua muthu, ki ku bheka kima ki uabhela Nzambi.

Afundixi 8:1

Akua Ifalaime anga ambela Ngidiione, exi: Mbebhu-ohi eie ua bhange kiki? Ua kambe ku tu kasa ki uaii kúlua ni Midiiana? Anga a zoka-nê mvunda, a tangelela muene kiavulu.

Afundixi 9:23

Nzambi anga u bheka unguma bhuʼaxaxi ka Abimeleke ni akua Xikeme; akua Xikeme anga a bhanga ufe kua Abimeleke.