II Samuuele 19:37 - O Mikanda Ikola

³⁷ Ngehele, nga ku diondo, ngi mubhikʼé, ngi vutuke ku nga tundu, ngi fuile bhu bhata diami, bhuamoxi ni bhu mbila ia tatʼetu ni mameʼetu. Mubhikʼé-phe Ximamu, iu-é iú; muene a zaúke kumoxi ni muenexi, u mu bhange kioso ki ua mono kia tokala, kùku, ngana iami.

II Samuuele 19:37 ပူးပေါင်းရင်းမြစ်များ

Dimatekenu 47:30

Kizuua-phe ki ngiia ku kilu kuʼaia a tatʼetu, u ngʼambata, kunu ku Ijito u ngʼambata-ku, ua kà ngi fûnde mu mbila iami bhu kidindu kia tatʼetu. Zuze anga uitaia, uixi: Kioso ki ua zuela, kiene ki ngi bhanga. Jakobo anga u mu ambela dingi, uixi:

Dimatekenu 48:21

Izalaiele anga u ambela Zuze, uixi: Tala, eme-ze, kúfua kua ngʼiza kiá; maji o Nzambi phe ua-nda kukala ni enu, o hádia u mi bheka dingi mu kuvutuka, mʼoxi ia jitata jenu.

Dimatekenu 50:13

Kuma anʼê aii-nê mʼoxi ia Kanana, ia a mu fûndu mu dibânda dia mukáu ua Makapela, dia sumba Mbalahamu ni mukáu kumoxi, kua Efelone, o Muhiti, bhua lulama ni Mamele, mu kala undundu uê, ni ki kale kididi kiê kia kufûndila.

II Samuuele 19:36

Eme ngʼinda ngó ngi ku xinjikila mu zaúka Njolodá, ngi mubhikʼé, kùku, u ngi vutuilahi kisakidilu kia soko kala kiki?

II Samuuele 19:38

Muene hé u vutula, uixi: Ximamu eze, a zaúke ni eme, ngi mu bhange kioso muene kia mono kia tokala; eie kioso ue ki u ngi bhinga, ngi ki bhanga muene.

II Samuuele 19:40

Kienhiki muenexi u zaúka, utula bhu Jidingale, Ximamu anga u zaukilanê kumoxi; mundu uoso ua akua Juda a kala mu kubatesa muenexi ni mbandu ia akua Izalaiele.

I Jisobha 13:22

inda ua vutuka muene, eie ua di mbolo, eie ua nu menha mu kididi ki nga ku tangelele, ngixi: Kana kua kà dia-ku mbolo, né kua kà nua-ku menha, kimbi kié ki kia kà bokona mu mbila ia jitata jé.

I Jisobha 2:7

Maji o anʼa Badizilai-phe, mukua Ngiliiade, a kuatele muene henda, a kale akua kúdia ku meza mé; kuma ene uâ kiene kia ngi bhangele, thembu i nga lenga kota dié Abisalone.

I Jisobha 4:5

Azadiia, monʼa Natane, u tambula konda ia jikapataji; o Zabudi, monʼa Natane, muene kamba dia sobha, mukua ku mu bhana o jikaiula;

Jelemiia 41:17

Anga a katuka, aia mu kutunga bhu Jelute-Kimane bhua zukama ni Beleme, phala bhobho kiá kubokona mu Ijitu,

II Timote 4:6

Kuma eme kithangana kia bhixila, nga kinga kiá ku ngi sata. Thembu iami ia kukatuka ia zukama, kumbi diami dieza-bhu dia kuxisa kiá o muenhu iú.

Josuué 23:14

Mua mono-phe kuila, lelu eme nga lungu kiá muʼalunga muene ku di tutila oxi ioso; enu-phe mua kʼijiia ni muẋima uenu uoso, ni muenhu uenu uoso, kuila ima ioso ia mi dielelesele Jihova Nzambi ienu, ki kua sonoka kima; iene ioso ia mi bhiti muene, ki bhuala kizuelu kia sukamena.

II Phetele 1:14

Kuma nga kʼijiia kuila kindala kuanda ku ngi bhinga kuzula o mukutu iú ua kalunga, uila kia ngʼidikiza-kiu ni kulomboloka kuoso, kuala Ngana ietu, Jezú Kristu.