II Samuuele 19:36 - O Mikanda Ikola

³⁶ Eme ngʼinda ngó ngi ku xinjikila mu zaúka Njolodá, ngi mubhikʼé, kùku, u ngi vutuilahi kisakidilu kia soko kala kiki?

II Samuuele 19:36 ပူးပေါင်းရင်းမြစ်များ

II Samuuele 19:35

Leluʼidi ngala kiá mu makuinʼake a mivu, kifua ngi tena dingi kutungula kiauabha ni kiaiibha? Ki ngalʼiki, ngi mubhikʼé, ua fika kifua ngala kuívua dingi o kutouala kioso ki ngi dia mba kioso ki ngi nua? Kifua ngi tena dingi kuívua kiambote, o mázui ma jingimba ja mala ni jingimba ja ahatu? Ngi mubhikʼé, ngi di bhangela-hi ngó kimbamba kia ku ku nemena, kùku, ngana iami?

II Samuuele 19:37

Ngehele, nga ku diondo, ngi mubhikʼé, ngi vutuke ku nga tundu, ngi fuile bhu bhata diami, bhuamoxi ni bhu mbila ia tatʼetu ni mameʼetu. Mubhikʼé-phe Ximamu, iu-é iú; muene a zaúke kumoxi ni muenexi, u mu bhange kioso ki ua mono kia tokala, kùku, ngana iami.

Jisálamu 90:10

Izuua ia mivu ietu makuinhi sambuadi, amoxi kia kala ni nguzu, a bhiẋilu bhu makuinhi nake; hanji-phe kujiza kuâ kua hadi ngó ni mukondo; ki i nange kubhita, kindala tu tuka!

Ndongixi 12:1

Mu izuua ia unzangala ué, lembalala Ió uoso ua ku bhanga, kiosuʼiki o izuua iaiibha kiluua i bhixila, anga kuiza o mivu ia ku bhingi kuila, uixi: Mu mivu iii ki ngala-mu dingi ni kusanguluka.

Luka 6:38

Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.