II Samuuele 19:28 - O Mikanda Ikola

²⁸ Kuma dibhata dioso dia tatʼetu a tokalele kuxala madifundu bhu pholo ié, kùku, ngana iami. Maji eie-phe ua ngi bhake eme, ngi mubhikʼé, mu axaxe ka athu a dila ku meza mé. Ngala-phe dingi ni kulunga kuahi, kuila ngi dikola dingi mu kubhinga kima kua muenexi?

II Samuuele 19:28 ပူးပေါင်းရင်းမြစ်များ

Dimatekenu 32:10

ngi muthu ki nga fuama, né kòfele, ku ngi bhanga jihenda josoʼiji, ni kidi kioso ki ua ngi bhanga, ngi mubhikʼé; kuma ki nga zaukile Njolodá mueniú, ngʼambatele ngó mbangala; kiki phe nga di bhange ngi ilombo iiadi.

II Samuuele 14:17

Bhenhobho, kùku, ngi kahatu ké, ngixi dingi: Kizuelu kia muenexi ki kale kia kutululuka; kuma ki ualʼokio, kùku, ua di bhange mukuâ ni anjo ia Nzambi mu kutongolola kiauabha ni kiaiibha. O Jihova Nzambi ié a ku kuatekese.

II Samuuele 14:20

Kifua ue, muene mubhikʼé Jouabe ua ki bhangela o mulonga ku u bheka mu uiukilu uê; eie-phe, ngana iami, uejiia kiavulu, kala kuijiia kua anjo ia Nzambi, kua kuijiia ni kutongolola o ima ioso mu ngongo.

II Samuuele 15:26

Maji Nzambi phe kia kèla kuma eie ku ngi uabhela dingi, kuabhu tata, eme-ami-iú, a ngi bhange kioso kia mono kia mu uabhela muene.

II Samuuele 16:3

Muenexi, uixi: O monʼa muadi é, iú kuebhi? Ziba anga u ambela muenexi, uixi: Muene ua xala mu Jeluzaleme; mukonda uambe, uixi: Lelu muene, dibhata dia Izalaiele a-nda ku ngi bhana kiá dingi o ungana ua tatʼetu.

II Samuuele 19:29

Muenexi anga u mu ambela, uixi: Ku tale dingi hadi ia kuzuela ngó maka enhá. Mukonda eme nga ki ambe kia kuila mavu ni jimbongo joso uanenu ngó ni Ziba.

II Samuuele 9:10

Eie u mu dimina jinga mábhia ê, ni eie, ni anʼé, ni abhikʼé; u mu bhekela jinga ku idima, phala monʼa muadiʼé a kale ni kúdia; maji Mefibozete muene-phe, monʼa muadiʼé, u dia jinga ku meza mami. Nziba muenhú anga u kala ni kuinhi dia mona ni kitanu, ni makuinhi aiadi a abhika.

II Samuuele 9:13

Mefibozete anga u tunga kienhiki mu Jeluzaleme; u kala mu kúdia jinga ku meza a muenexi. Muene-phe ua nemana inama iê iiadi ioso.

II Jisobha 8:3

O kia zubha kubhita o sambuadi dia mivu, muhatu ió anga u vutuka mʼoxi ié, u tunda kʼoxi ia akua Fidíxia, hé uia mu kudikola kua sobha mukonda dia inzu iê ni jixi jê.

I Samuuele 26:16

Ki ki uabha, kiki ki ua bhange! Nga lokela mua Jihova uala ku muenhu, kuila mu athu mua tokala ku mi jibha, enu mua fulu kulanga muadiʼenu, muthu a mu undu kuala Jihova. Talesenu hanji mba sosa ia muenexi ii kuebhi, ni mudingi uê ua menha ua kexile bhu mutuelu?