II Samuuele 19:27 - O Mikanda Ikola

²⁷ Muene kifua ua ngi tatela ko kué, kùku, ngana iami. Maji eie-phe, kùku, ngana iami, uala mukua ni anjo ia Nzambi; bhanga-phe kioso ki ua mono kia tokala.

II Samuuele 19:27 ပူးပေါင်းရင်းမြစ်များ

II Samuuele 14:17

Bhenhobho, kùku, ngi kahatu ké, ngixi dingi: Kizuelu kia muenexi ki kale kia kutululuka; kuma ki ualʼokio, kùku, ua di bhange mukuâ ni anjo ia Nzambi mu kutongolola kiauabha ni kiaiibha. O Jihova Nzambi ié a ku kuatekese.

II Samuuele 14:20

Kifua ue, muene mubhikʼé Jouabe ua ki bhangela o mulonga ku u bheka mu uiukilu uê; eie-phe, ngana iami, uejiia kiavulu, kala kuijiia kua anjo ia Nzambi, kua kuijiia ni kutongolola o ima ioso mu ngongo.

II Samuuele 16:3

Muenexi, uixi: O monʼa muadi é, iú kuebhi? Ziba anga u ambela muenexi, uixi: Muene ua xala mu Jeluzaleme; mukonda uambe, uixi: Lelu muene, dibhata dia Izalaiele a-nda ku ngi bhana kiá dingi o ungana ua tatʼetu.

II Samuuele 16:4

Muenexi anga u ambela Ziba, uixi: Talesa, iene ioso ia tokala kua Mefibozete, i kale kiá ié. Ziba uixi: Kùku, nga mbolomoka; ngi sange ngó ngalasa ku pholo ié, eie sobha, ngana iami!

II Samuuele 19:17

Anga bhu kala midi ia akua Bejamí ela-nê kumoxi, ni Ziba mukua mbèle ia Saúlo, ni kuinhi dia monʼê ni kitanu, ni makuinhi aiadi a abhika ela-nê kumoxi; anga a zaúka Njolodá mu mesu a muenexi.

II Samuuele 9:13

Mefibozete anga u tunga kienhiki mu Jeluzaleme; u kala mu kúdia jinga ku meza a muenexi. Muene-phe ua nemana inama iê iiadi ioso.

II Samuuele 9:3

Muenexi uixi: Ku dibhata dia Saúlo hanji kua xala muthu, ni ngi mu idikize henda ia Nzambi? Nziba anga u ambela muenexi, uixi: Sai hanji monʼa Jonata ua diiala, ua nemana inama iê iiadi ioso.

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 15:3

Ka xingi ndaka ni dimi diê, ka xikina kubhanga phulu kua mukuâ, kende ni kabódio mu sanzala.

Makatukilu 20:16

Kana kutatela mukuenu umbangi ua makutu mu kima ka ki bhange.

Jelemiia 9:4

Muthu ni muthu a di lange ku dikamba diê, kana ue kudielela phange ioso-ioso; kuma phange joso muene a mu bhanga ngó mangonha kuabhu; o makamba oso enda ni kutatela.

I Samuuele 29:9

Akiji anga u vutuila Davidi, uixi: Nga kʼijiia muene kiambote. Eme ku mesuʼami, eie ua ngi uabhela kiavulu kala u mukunji ua Nzambi. Maji-phe o jingana ja akua Fidíxia ene a di tunu, exi: Ku ita kaii-ku ni etu.