II Samuuele 19:24 - O Mikanda Ikola

²⁴ Mefi-bozete ue, monʼa Saúlo, u kulumuka mu batuila Davidi. Muenephe ka di seke inama, ka di bhutu muezu, ka sukula izuatu, tunde kizuua kia katuka muenexi, katé kia bhongoloka ku bhata ni paze.

II Samuuele 19:24 ပူးပေါင်းရင်းမြစ်များ

II Samuuele 12:20

Behnhobho Davidi u balumuka bhoxi, u di sukula, u di uesa maji, u di ta izuatu iengi; anga u bokona mʼonzo ia Jihova, u samba; o kia zubha kubhanga kiki kiene kia bokona kiua mʼonzo iê muene, o kia bhingi, a mu tela kúdia, anga u dia.

II Samuuele 15:30

Davidi anga u kala mu banda ku disámbua diodio dia honga ia Kidolone mu mbanjidilu ia mulundu ua Midiva; kioso kiala mu banda uala kuenda ni kudila, ua di futu mútue, uala kuenda ni inama ia hatu bhoxi; mundu uoso ala kuendela-nê kumoxi anga a di futa uâ mítue, ala mu kuila ia a banda ia enda ni kudila.

II Samuuele 16:3

Muenexi, uixi: O monʼa muadi é, iú kuebhi? Ziba anga u ambela muenexi, uixi: Muene ua xala mu Jeluzaleme; mukonda uambe, uixi: Lelu muene, dibhata dia Izalaiele a-nda ku ngi bhana kiá dingi o ungana ua tatʼetu.

II Samuuele 9:11

Nziba anga u ambela muenexi, uixi: Kùku, kioso ki ua tange, ngi ki bhanga muene, ngi mubhikʼé. Muenexi-phe, uixi: Eie u Mefibozete, udia jinga ku meza mami, kala kiene kúdia anʼa sobha.

I Jisobha 2:8

Muthu uamukuá ua xala-nê Simeii, monʼa Ngela, mukua muiji ua Bejamí, mukua bhata bhu Bahudimi, ua ngi xingile jindaka javulu jaiibha kizuua ki nga kexe mù-ia bhu Mahanaíme; maji uejile-phe ku ngi batuila bhu tabhu dia Njolodá, eme anga ngi mu lokela mu dijina dia Jihova, ngixi: kana, ki ngi ku jibha ni xibhata.

Makatukilu 19:10

Jihova anga uambela Mozé, uixi: Ndeie ku mundu u a zelese, a di bonze lelu ni mungu, a sukule izuatu iâ.

Izaía 15:2

Iu banda ku Baiite, ni ku Dibone, ku thala kuná ni kudila; Mouabhe ua-nda kuta jingololo mukonda dia Nebo ni Medeba; mítue ioso ia kà biluka mabhaia ni dilamba, o miezu ioso ue a-nda ku i bhuta.

Jelemiia 41:5

anga kuiza-phe athu a tundu ku Xikeme ni ku Silu ni ku Samádia; makuinhi nake a muthu, ni miezu iòkonge, ni izuatu ia tandujuka ni mikutu ia batujuka; o bhu maku a bheka maujitu mâ makudia ni uasu ua dizumba phala ku uʼambata mʼonzo ia Jihova.

Matesu 6:16

Luamukuá dingi, se muedi mu jila, kana di suuata, kala kua mangonha. Mukonda ene a di iibhisa jipholo jâ, athu ni a a mone kuila ajidi. Ngi mi ambela kidi, ene a tambula kiá kisakidilu kiâ.

Loma 12:15

Sangulukenu kumoxi ni iá a sanguluka, dilenu kumoxi ni iá a dila.

Jihebeleu 13:3

Lembalalenu oso ala ku malubhambu, kala enu uenu a mi kuikila-nâ kumoxi. Lembalalenu oso ala ku tala hadi, kala enu uenu mualù tala-nâ hadi kumoxi.