II Samuuele 19:19 - O Mikanda Ikola

¹⁹ Anga u ambela muenexi, uixi: Kùku, kana ku ngi ta mulonga, kana kubhaka ku muẋima kioso ki nga bhangele ni kubhukumuka, ngi mubhikʼé, kizuua ki ua tundile mu Jeluzaleme, kùku, ngana iami, eie u muenexi. Kana ku ngi tata phonzo.

II Samuuele 19:19 ပူးပေါင်းရင်းမြစ်များ

II Samuuele 13:20

Kota diê Abisalone anga u mu ambela, uixi: Manhi, ni kidi kiene, kota dié Aminone ua ku bhange ni kima? Kuabhu-phe, di xibhe kiá ndengʼiami; muene phangʼié. Ku didié dingi ngó kiavulu. Kienhiki Tamala u xala ni kikote kiê mʼonzo ia kota diê Abisalone.

II Samuuele 13:33

Kiki-phe, kùku, mu muẋima ku kale ni kikote kia kufika kuma ana oso a muenexi afu; mukonda uafu ngó Aminone, kuabhu. Akuâ oso iá-uâ ni muenhu.

II Samuuele 19:18

Anga bhu kala bote bhu tabhu bhenhobho, i mu sanga ku sámbua mu zaukisa mbele ia muenexi, ni kukumbidila kioso kiandala muene. Bhenhobho Simei, monʼa Jela, anga u diundila muenexi, kioso kiala muzaúka Njolodá.

Jisálamu 32:2

Ua zediua uoso kala dingi ni mulonga kua Ngana, ku muẋima ki ku mu xala makutu.

Jisálamu 79:8

Kana kuta mu konda ietu o ituxi ia jitata jetu; jihenda jé jendelè-ku mu ku tu sanga, kuma tua sebuluka kiavulu ki tualʼiki!

Ndongixi 10:4

O njinda ia nguvulu se ia ku lungulukila, eie-phe bhu kididi kié, ku tunde-bhu; mbata o kutululuka ni kudivisa, iene o milongo i batamesa ndumba dia ikuma.

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Dialuilu 12:11

Alá anga u zuela kua Mozé, uixi: Mozé tata! Ngana iami; kana ku tu tudika kituxi kiki ku thandu dietu, nga ku diondo, kuma tua bhange uoua, tua te kituxi.

Matesu 27:4

Nga te kituxi mu thelekala o manhinga ma muthu uaiuka! Kuala ene-phe: Etu kia tu kuatelahi? Maka mé eie. Eie-muène soka na-kiu!

II Kolindo 5:19

O hundu ietu ienhiʼii: Kuma Nzambi mua Kristu ua mu luulula o mundu ni muène, iú ua mu bhangesa kuila athu oso a kala makamba mê, sè kukuata-nâ konda ia ikuma iâ. Etu-phe Muène iú ua tu bhana o maka mê ma kuluulula athu nʼa kale makamba mê.

I Samuuele 22:15

Kifua lelu-ki nga mateka o ku mu zambuila kua Nzambi? Kiene kisunji ki nga diuana! Muadi, ku ngi fike ni kima kiaiibha ngi mubhikʼé, mba ufikila o dibhata dioso dia tatʼetu. Kuma ima ioso iii, eme ngi mubhikʼê, ki nga ijiia, né ngó kima kiofele mba kia dikota.

I Samuuele 25:25

Nga ku diondo, ngana iami, kana kukaiela diialʼidi dia sekala, muene na Nabale; kuma kiala dijina diê, ni muene kiene kiala; dijina diê Nabale, o uoua uê-phe ki u mu bhu! Eme-phe ngi kahatu ké, minzangala ia ngana iami ki nga a muene, oso u ua tumine.

I Samuuele 26:21

Saúlo bhenhobho anga u zuela, uixi: Nga bhange kiaiibha! Vutuka monʼami Davidi, kuma ki nga-nda ku ku bhanga dingi phulu; mukonda muenhu uami eie lelu ua u kiti kima kikôla. Ni kidi muene nga bhange uoua, nga tondala kiavulu muene.