II Samuuele 19:1 - O Mikanda Ikola

¹ Anga a ki tangela Jouabe, ex: Muenexi-ze uala mu dila, uala ni lamba dia vulu mukonda dia Abisalone.

II Samuuele 19:1 ပူးပေါင်းရင်းမြစ်များ

Dimatekenu 37:35

Ni anʼê oso a mala ni a ahatu a balumuka mu ku mu konda malamba; muene-phe nguaiê ku mu konda malamba, uixi: Ngiia muene ni masoxi kuʼalunga kuaii monʼami. Tatʼâ anga u kala muene ni ku mu dila kienhiki.

II Samuuele 18:12

Muthu iú anga u ambela Jouabe, uixi: Né ua ngi bhana midi ia itadi ia phalata bhu maku, ki ngeju tena kuzenga lukuaku luami mu kukuama monʼa muenexi. Kuma muenexi ua ku tendelela mu mátui metu, ni eie, ni Abisai, ni Itai, uixi: Alukenu, mudienu ki bhu kale muthu u kuama munzangala Abisalone.

II Samuuele 18:14

Jouabe anga u mu ambela bhenhobho, uixi: Eie ua-ndu ngi lalekesa. Anga u katula matoma matatu bhu lukuaku luê, uia, Abisalone u mu kubula mu mixima, kioso kiala hanji ni muenhu, ua nhengama mu mukaluvalu.

II Samuuele 18:20

Maji Jouabe u mu ambela, uixi: Eie ku tokala kutula njimbu lelu, inda eie u tula njimbu kizuua kiamukuá; kizuua kia lelu kana, kuma monʼa muenexi uafu.

II Samuuele 18:33

Muenexi anga u kala ni lamba diavulu, u banda mu sabhalalu ku thandu dia muelu, u dila; o kiala mu banda u kala mu kuila kiki: Aiué monʼami Abisalone, monʼami tata, monʼami Abisalone! Tamanu nga ku fuidile bhu kididi Abisalone, tata! Aiué monʼamiʼé monʼamiʼé!

II Samuuele 18:5

Muenexi anga u tuma Jouabe ni Abisai ni hai, uixi: Munzangala Abisalone, mu lendukilienu, mukonda diami eme. Mundu uoso anga a kʼivua muene, kia tendelela sobha o jikabhitangu joso, kioso kia bhanga ni Abisalone.

II Samuuele 19:2

O kikóue kia kizuua kienokio anga ki biluka dingi malamba phala mundu uoso; kuma mundu uoso a kʼivu kizuua kienokio kuila muenexi kia mu iibhila kiavulu o kúfua kua monʼê.

Jisabhu 17:25

Mona ua dilaji u bheka dilamba kua tatʼâ, hé u ludisa o muẋima kua mamʼâ ua mu muesa o dikumbi.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.