II Samuuele 18:7 - O Mikanda Ikola

⁷ Mundu ua Izalaiele anga a u betela bhenhobho kuala o makuenze a Davidi, anga kizuua kienhokio bhu kala kihaxi kia makuinhi aiadi a midi a mala a a jibha.

II Samuuele 18:7 ပူးပေါင်းရင်းမြစ်များ

II Samuuele 15:6

Kiene kia kexe mu bhanga Abisalone kua akua Izalaiele oso eza kufúnda kua muenexi. O mu kubhanga kiki, Abisalone u kala mu nhana mixima ioso ia akua Izalaiele.

II Samuuele 18:6

Kienhiki mundu uoso u tunda mu kuia ku mukáu mu kúlua ni Izalaiele; ita anga i takanena mu ditutu dia Efaleími.

II Samuuele 18:8

Kuma ita ia di zalala mu mukáu uoso uenhó, o mundu uadiua mu ditutu kizuua kienhokio ala kota mu ku vula, a diua ku mazu a xibhata ndenge.

II Samuuele 2:17

Mvunda anga i vula kizuua kienhokio; Abinele anga a mu tolola, a mu kaia ni mala a Izalaiele, bhu pholo ia makuenze ma Davidi.

II Samuuele 2:26

Abinele anga u kola, u handekela Jouabe, uixi: Kifua xibhata ié ki i zumbuka dingi mu kúnua manhinga? Mbé kua kʼijiia kuma dizubhilu diê di lula? Manhi u di xibhé, ngué ku tumina o mundu phala a batuke mu kaia o phange jâ?

II Samuuele 2:31

Maji o makuenze a Davidi-phe a beta Bejamí, ni makuenze a Abinele, katé kuafu hâma jitatu ja mala ni makuinhi asamanu.

II Malunda 28:6

Kuma Peka, monʼa Demaliia, mu kizuua kimoxi, ua jibha hama ni makuinhi aiadi a midi ia muthu mua Juda, makuenze oso a ita; mukonda a xisa Jihova, Nzambi ia jitata jâ.

Jisálamu 144:10

Eie-muène u bhana o uzonda ku jisobha; eie u kudila selevende ié Davidi ku mukuale ua kiluami.

Jisabhu 11:21

Kisuéia né-mbe maku mê ua ma koteka bhu muẋima, hanji kà kamba mulonga; maji o mbutu ia athu a iuka, ia kà bhulaka.

Jisabhu 24:21

Eie, monʼami, xila Jihova, ni muenexi ue mu xile; kana kubhangana kumoxi ni akua kulungujuka.