II Samuuele 18:4 - O Mikanda Ikola

⁴ Bhenhobho muenexi anga u a ambela, uixi: Kioso ki mua mono kiatokala, eme kiene ki ngi bhanga. Muenexi anga u imana bhu mbanduʼa muelu ua kimbaka, mundu u kala mu kutunda ku jihâma ni jimidi.

II Samuuele 18:4 ပူးပေါင်းရင်းမြစ်များ

II Samuuele 18:1

Davidi anga u kuata konda ia mundu uoso aia-nê kumoxi, u tungula jikabhitangu ja jimidi ni jikabhitangu ja jihâma mu ku a tumina.

II Samuuele 18:24

Kiosuiki Davidi ua xikama bhu kaẋi ka mielu iiadi. O mulangidi uala ku kilangidilu, anga u banda ku thandu dia lumbu bhu muelu, u zambula mesu u zongola mu kanga, u mona múthu iú uiza iuná ubheka uê ni kulenga.

II Samuuele 18:5

Muenexi anga u tuma Jouabe ni Abisai ni hai, uixi: Munzangala Abisalone, mu lendukilienu, mukonda diami eme. Mundu uoso anga a kʼivua muene, kia tendelela sobha o jikabhitangu joso, kioso kia bhanga ni Abisalone.

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

I Samuuele 29:2

Jisobha ja akua Fidíxia anga a tuamenena ni ilômbo iâ iouane ku ibuka ia jihâma ni jimidi. O Davidi-phe ni makuenze mê a kala ue mu kaiela, a sukidila ku dima ni Akiji.