II Samuuele 18:28 - O Mikanda Ikola

²⁸ Ahimaaze kia bhixila anga u kola, u ambela muenexi, uixi: Kuala kiambote! Anga u bhetama bhu pholo ia muenexi, u tula pholo mu mavu, uixi: A tane-ku! Jihova Nzambi ié, ua tu bhakuila o mala a zengele lukuaku luâ mu ku ku bhanga kiaiibha, eie kùku, ngana iami.

II Samuuele 18:28 ပူးပေါင်းရင်းမြစ်များ

Dimatekenu 14:20

A tane-ku ue, Nzambi Suke-ku, ua ku thelekala jinguma jé bhu maku mé. Anga u mu bhakuila o dijimu ku imbamba ioso iambata.

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

II Samuuele 1:2

mu kizuua kia katatu bhu tula muthu ua tundu mu kilômbo kia Saúlo, ni izuatu iê ia tandujuka ni mavu a di kuu mu mútue; o kia zubha kubhiẋila bhua Davidi, u di takuila mu mavu anga u diunda.

II Samuuele 14:4

O muhatu mukua Tekoua kieza kuzuela ni muenexi, u diunda, u bheza, uixi: Sobha, tatuʼodio!

II Samuuele 22:27

Uoso ua di zelesa eie u mu idikiza kuila eie uazela; uoso-phe ua xibhaka eie u mu idikiza kuthathamana.

II Malunda 20:26

O ku tula mu kizuua kia kauana, anga a di bhongoluela mu Dikôlo dia Belaxa, mbata mueneʼomo muene mua ximanena Jihova, kiene kididi kiokio kia kʼixanena dijina dia Dikôlo dia Belaxa katé mu kizuua kia lelu.

Jisálamu 115:1

Etʼuetu kana, u Jihova, etʼuetu kana; eie-ku a ku tumbula o dijina ni fuma, mukonda dia henda ié ni kidi kié.

Jisálamu 124:6

Ngana a tane-ku, ka tu ehela kudiua ku mazu a enhó,

Jisálamu 31:8

Kua xikina ku ngi bhakula bhu maku a nguma; uemika inama iami bhu kididi kia zanze.

Makatukilu 18:10

Jétulu anga u zuela, uixi: A tane-ku Jihova ua mi kudila bhu maku a akua Ijitu, ni bhu maku a Falaó; ua kudila o kifuẋi kiki ku mualala ua akua Ijitu.

I Samuuele 17:46

Lelu muene Jihova ua-nda ku kubhakula bhu lukuaku luami; ngi ku nemeka, ngi ku batula mútue; o imbi-phe ia kifuẋi kia akua Fidíxia ngi i bhana lelu ku jinjila ji bhita bhulu ni iama ia mukáu, phala mu ngongo ioso a kʼiji-ie kuma sai-ku Nzambi mua Izalaiele.

I Samuuele 24:18

Eie uedikiza lelu kuma ua ngi lendukila, mukonda eie ua fulu ku ngi jibha, kia ngi thelekala Jihova bhu lukuaku lué.

I Samuuele 25:23

Abingaile kia mono Davidi, u lenguluka, hé u tuluka ku bulu ie, u mu diundila, u tula dibhomo ku mavu bhu pholo ia Davidi.

I Samuuele 26:8

Abisai anga u ambela Davidi, uixi: Nzambi ua ku thelekala nguma ié bhu lukuaku kizuua kia lelu. Kiki-phe ngehele, nga ku diondo, ngi mu tome ni dionga, ngi mu phaphele mu mavu; ngi mu ta ngó lumoxi luene, ki ngi mu tona dingi.