II Samuuele 18:27 - O Mikanda Ikola

²⁷ Uala ku kilangidilu uixi: Ua tuamenena nga fika kulenga kuê kuedi kala kua Ahimaaze monʼa Zadoke. Muenexi uixi: Hé muene, iú muthu uambote, u tu tudila dizelele diambote.

II Samuuele 18:27 ပူးပေါင်းရင်းမြစ်များ

II Samuuele 18:26

Uala ku kilangidilu anga u mona muthu uamukuá uala kuiza ni kulenga. Anga u ambela mukua muelu, uixi: Muthu uambukuá iu izʼú ni kulenga ubheka uê. Muenexi, uixi: Muene ue uala mu kuiza kutula njimbu iambote.

I Jisobha 1:42

Kioso-phe kiala mu zuela, Jonata monʼa nganga Abiiatale, u tula bhu kanga, Adoniia-phe anga u mu ambela, uixi: Tu sangeku! Bokona eie u muthu uambote, u dikuenze, ku kambe kuiza ni hundu iambote.

II Jisobha 9:20

O kilanga-kanga hé u kʼijidisa kua sobha, kuila: O iú ue ua bhixila kua ene, maji o kuvutuka, lémbue; o uendelu ua ió ua mu kuiza uedi kala o uendelu ua Jehu, monʼa Nisi, mukonda ua mu kuenda kala ua thathamana.

Jisabhu 25:13

Kala ki kala o utalalu ua neve mu tembu ia ku muna idima, kiene ue kia soko ni phunga ia fiiele kua ió oso a mu tuma; mukonda uximbakatesa muenhu ua jingana jê.

Jisabhu 25:25

O ngolokela ja mbote ji tunda kʼoxi ia dikanga, ja soko mukua ni menha ma talala kiambote mu kanu, ku dinhota dia muthu uaiokojoka.

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!