II Samuuele 18:2 - O Mikanda Ikola

² Davidi anga u tubhula o mundu mu ifuẋi itatu; kifuxi kimoxi kiala mu lukuaku lua Jouabe, kifuxi kiamukuá, mu lukuaku lua Abisai monʼa Zeluia, phange ia Jouabe, kifuxi kiamukuá mu lukuaku lua hai mukua Ngate. Muenexi anga u ambela o mundu, uixi: Eme uami ngi tunda muene ni enu kumoxi.

II Samuuele 18:2 ပူးပေါင်းရင်းမြစ်များ

II Samuuele 17:11

Eme-phe ngi bhana phangu kuma a diange kubhongolola hanji akua Izalaiele oso bhu kinama kié, tunde ku Dane katé ku Beleseba, kifuxi mu kuvula ki kale mukuá ni kisekele bhu mdúndu ia kalunga; o ki aia ku ita eie muene uia-nâ muʼaxaxe kâ.

II Samuuele 21:17

Abisai-phe, monʼa Zeluia, u mu kudila, anga u nemeka mukua Fidíxia, u mu jibha. Bhenhobho makuenze a Davidi a mu lokela, exi: Izuuʼii eie ku tundu dingi ni etu mu ita, phala kujime o kandeia ka Izalaiele.

II Samuuele 23:18

Ni Abisai, phange ia Jouabe, monʼa Zeluia, muene dikota dia kitatu kiki. Muene u zenga sosa iê kubhânga ni hâma jitatu, anga u a jibha; anga u jinga dijina mu kitatu.

II Samuuele 8:16

O Jouabe, monʼa Zeluia, muene o komanande u tumina o kifuxi kioso kia makuenze a ita; Jozafate, monʼa Ahiludi, u kala musoneki a jindunda ja malunda;

I Jisobha 2:28

Kiene kioso kia bhiti anga a ki tudila Jouabe; kuma Jouabe ua diangukile mu kaiela ku kunda dia Adoniia, sumbala a kambele kudianguka mu kukaiela Abisalone. Jouabe anga u lengela mu Balaka ia Jihova, hé u kuata ku jimbinga ja kalatódio.

Jisálamu 3:6

Ki ngi kala dingi ni uoma, né jimidi ja athu a ngi balukila ku mbandu ni mbandu.

Afundixi 7:16

Anga u uanununa o hâma jitatu ja mala mu ibuka itatu, anga u a kuatesa ene oso jibuzina ni masanga bhu maku; mu masanga-phe ki muala kima, u tesa-mu imakôngolo ia uama túbhia.

Afundixi 7:19

Kala kiki, Ngidiione ni hâma ia mala aia-nê, a bhixila bhua suku o kilômbo, bhu ola ia kumatekena kilangidilu kia mu kaẋi dia usuku, kuila kindala kia te-ku athu engi ku kilangidilu. Anga a xika jimbungu hé a bula o masanga bhu maku.

Afundixi 9:43

Muene anga u katula mundu uê, u a uana mu ibuka itatu, u a batemena mu mukáu; mu kutala anga u mona mundu ala kutunda mu sanzala, anga u balumuka, u di zangula-nâ, u a kuama.

I Samuuele 11:11

Ki kúkia-phe Saúlo u uanununa mundu mu ibuka itatu, anga a bhixila bhu kilômbo mu makolombolo, anga a beta akua Amone katé kiatu o muanha; o a subhuka-bhu anga a muangana katé kana-bhu dingi kiiadi kia tena kuendela kumoxi.