II Samuuele 17:9 - O Mikanda Ikola

⁹ Kialʼokio hinu ua suama kiá mu dibanda, mba bhu kididi kioso-kioso nʼende ni kuzongola; mu kuila-phe ku athuʼé ala ku ku kaiela kia-nda kujibhaku amoxi-mu, uoso u kʼivua uila, uixi: Akua Abisalone a a tolola, mbata abhiku, a a jibha.

II Samuuele 17:9 ပူးပေါင်းရင်းမြစ်များ

II Samuuele 17:10

Bhenhobho-phe, ni iú uasuina, uala ni muẋima uê mukuâ ni muẋima ua hoji, u botomoka-phe kiá muene kuma akua Izalaiele oso a kʼijiia kuila tatʼenu dizonda, ni athu oso aia-nê kumoxi, mala a nguzu ku ita.

II Samuuele 17:8

Husai anga u ta-ku, uixi: Tatʼenu ua mu ijiia kuma muene ni makuenze mê ene oso mazonda, o kialʼiki-phe a thathamana, mukuâ ni mama ia kitôto mu mukáu a mu nhana o tuana tuê; tatʼenu diiala dia ita, ka xikina kutula mu kuzeka kumoxi ni mundu.

Jelemiia 41:9

O fiẋi, mua tele imbi ioso ia jibha Ijimaiele, mukonda dia Jedaliia, iene ia kandele sobha Aza mukonda dia Bahasa, sobha ia Izalaiele; ienhiʼii muene iezalesa Ijimaiele, monʼa Netaniia, ni imbi.

Josuué 7:5

Akua Hai anga a jibha-bhu mba makuinhi atatu a muthu ni kisamanu, anga a a bhesa lusolo, tunde bhu muelu ua kimbaka kiâ, katé bhu Xebadimi bhene kubula o matadi, anga enda ni ku a beta dingi kioso kia mu kulumuka o mulundu ni kulenga. O miẋima ia kifuẋi anga i botomoka, i kala kala menha.

Josuué 8:6

Enu mu a eha muene. Ene-phe a-nda kutunda mu ku tu kaia; etu mu kubhanga kiki, kifua tua a sunga katé mu mbonge abhu-mu. Kuma a-nda kuila: Kaienu, ala ku tu lenga dingi; etu-phe tuila muene kala tuala kulenga.

I Samuuele 22:1

Davidi anga kuenhoko u tundaku, u lengela ku dibanda dia Adulamu. Jiphange jê-phe, ni dibhata dioso dia tatʼâ, kia kʼivu, a kulumuka aia kuenhoko kua muene.

I Samuuele 23:22

Ndenu-phe, nga mi diondo, mu mu ibhule muene phala mu mu tongolole kiambote, bhuoso bhuala, mu mu tole katé bhu disuamenu diê, bhu kale ni muthu uoso ua mu mono-bhu; kuma ngene ku mu ivua kuila muene ua dimuka kiavulu.

I Samuuele 24:3

Anga u bhixila bhu ibhanga ia jimbudi mu njila, bhuala dibanda; Saúlu u bokona-mu mu ku di tebhununa mu mala. Davidi-phe ni makuenze mê a xikama mu jihota ja dibanda dienhidi.