II Samuuele 17:8 - O Mikanda Ikola

⁸ Husai anga u ta-ku, uixi: Tatʼenu ua mu ijiia kuma muene ni makuenze mê ene oso mazonda, o kialʼiki-phe a thathamana, mukuâ ni mama ia kitôto mu mukáu a mu nhana o tuana tuê; tatʼenu diiala dia ita, ka xikina kutula mu kuzeka kumoxi ni mundu.

II Samuuele 17:8 ပူးပေါင်းရင်းမြစ်များ

II Samuuele 15:18

Makuenze mê anga a mu somboka bhenhobho anga a tuamenena; ni Makeleti oso ni Mapelete oso, ni Mangate oso, hâma jisamanu ja muthu a tundile-nê ku Ngate, a somboka bhu pholo ia muenexi anga a mu tuamenena.

II Samuuele 17:9

Kialʼokio hinu ua suama kiá mu dibanda, mba bhu kididi kioso-kioso nʼende ni kuzongola; mu kuila-phe ku athuʼé ala ku ku kaiela kia-nda kujibhaku amoxi-mu, uoso u kʼivua uila, uixi: Akua Abisalone a a tolola, mbata abhiku, a a jibha.

II Samuuele 23:16

Mazonda matatu enhá anga a bula mu kaẋi ka kifuxi kia akua Fidíxia, a sunga menha mu kixima kia Beleme, kia zukama bhu muelu ua kimbaka, anga ambata menha, enhá a a bhekela Davidi. Muene-phe ka xikina ku a nua, maji u a lunduluila bhoxi bhu pholo ia Jihova.

II Samuuele 23:18

Ni Abisai, phange ia Jouabe, monʼa Zeluia, muene dikota dia kitatu kiki. Muene u zenga sosa iê kubhânga ni hâma jitatu, anga u a jibha; anga u jinga dijina mu kitatu.

II Jisobha 2:24

O muene kia lunguluka kuema, ua a mono, hé u a bhubhidila ni ku a ta mázui mu dijina dia Jihova; bheneʼobho, itôto iiadi, ia akaji, i tunda mu ditutu, anga i sanujuna makuinhi a uana ni kiiadi ku tuana tuenhoto.

Jisabhu 17:12

Muthu sembele o ku di bonga ni kitôto kia mukaji, kia jimbidisa o tuana, kuindi o ku di bonga ni kiôua ki muiza o ulaji uê.

Jisabhu 28:15

Mukua-phulu kia tambula ukota ua kutumina o muiji ua jingadiama, u di bhanga mukua ni hoji i nanga ni kuzuma, mba mukuâ ni kitôto kia di zekele nzala.

Izekiiele 19:2

Uile, uixi: Nanhi muene ua kexi mamʼenu? Mama ia hoji ia zeka mu ndumba ja jihoji, ia sase tuana tuê mu kaxi ka tuana tua jihoji.

Daniiele 7:5

Ngi kuata kutala, talesa, kumoneka kiama kia kaiadi, kia di-fu ni ursu, kia bhetuka mbandu imoxi, o ku maju kiazenzeka jimbanji jitatu, iá a ki ambela, exi: Balumuka, kokota xitu ia nzungule.

Hozeia 13:8

Ngi di takuila kua ene kala mama ia kitôto a mu nhana tuana tuê, ngʼa sana-sana o jingoji ja phumbulu; ngʼa dila bhenhobho mukuâ ni hoji, ngʼa sasujula muene kala ki bhanga o iama ia mukáu.

Afundixi 18:25

Anʼa Dani a mu ambela, exi: Kana kubhanga dingi jibuia bhabha! O mbimbi ié ki tuandala ngó ku ivua; imoxi bhu kala ni iiala iasaluka mudietu i ku lundama, anga u ta-mu ni muenhu ué, ni mienhu ia mukuá ia bhata dié.

I Samuuele 16:18

Dikuenze diê diamukuá anga u kumbulula, uixi: Eme-ze ngejiia muthu, monʼa Jese bhu Beleme, mesene muene ia kuxika, diiala dia nguzu, dikuenze dia ita, mujitu mu kuzuela, muthu ua kuuabha, o Jihova ue uala-nê.

I Samuuele 17:50

Kienʼiki Davidi kia lende o mukua Fidíxia, ni mbalafundu ni ditadi, anga u kuama mukua Fidíxia, u mu jibha. Davidi-phe ka kuatele xibhata bhu lukuaku luê.

I Samuuele 23:23

Ka tadienu-phe kiambote hanji, mu lange ididi ioso bhuene kusuama, se mua mono bhuoso bhu tu mu kuatela sé kufula, kiene ki muiza dingi ku ngi takana eme, tuile kumoxi. Hé kiene-phe, se mu ngongo Davidi iú momo, né uala koxiʼa mavu eme ngi mu seia muene ni jimidi joso ja masoladi a Juda.