II Samuuele 17:23 - O Mikanda Ikola

²³ Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Samuuele 17:23 ပူးပေါင်းရင်းမြစ်များ

II Samuuele 15:12

Abisalone anga u tuma Ahitofele mukua Ngilo, ua tokala mu makota ma jitata ku kifuandu kia Davidi; u mu tuma ku bhata diê ku Ngilo, kioso muene kiala mu bhana jisata. O kikutu kia ufe anga ki-ia ni ku kala kikutu kia nguzu; o mundu anga enda ni ku di bandekeza jinga kua Abisalone.

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

II Samuuele 16:23

O phangu ia Ahitofele-phe, ia kexe mu bhana mu izuuʼoio, i kala mukuâ ni kuila ia muthu ua zambuila kua Nzambi, o Nzambi iu ua mu vutuila; kiene muenʼiki kia kexi o jiphangu joso ja Ahitofele, kutale kua Davidi uixi kiala kua Abisalone.

II Samuuele 17:22

Bhenhobho Davidi u balumuka, ni mundu uoso alanê kumoxi, anga a zaúka ku sámbua dia Njolodá; o ki kuáki né ngó muthu umoxi ka xala ku sémbua kunu ua kambe kuzauka Njolodá.

I Jisobha 16:18

Anga ki bhita-phe kuila, Nzidi kia mono kuamba sanzala iòtambule, u lenga hé uia ku mbanza mu ʼzemba dia sobha, anga u di ximikina túbhia mʼonzo ia sobha, anga u fuila muenhomo,

II Jisobha 20:1

Mu izuua muenhomo Ezekiia anga u kata, kukatela kúfua; anga o musesedi Izaia, monʼa Amoze, uiza mu ku di-mona-nê, hé u mu ambela, uixi: O Ngana uambe kiki: O dibhata dié ta-diu kiambote mu ididi, kuma uandu fua muene, kua-ndu kola muenhu, kana.

Jobe 31:3

Manhi ki kuene o kutexika phala mukua ituxi, ni kuxixima kua ió oso a bhanga kia ibha?

Jisálamu 109:20

Nganhu iâ i kale kienhiki, ia tambula kua Jihova, oso ene ku ngi zembʼó, hé a ngi tatela ima iaiibha ku muenhu uami.

Jisálamu 5:10

A êlese ku mulonga, eie u Nzambi; nda a di bhale mu jipangu ja di longesa mudiâ; a kaiese, Ngana, mukonda dia kubhukumuka kuâ kuavulu; kuma eie muene, u Ngana, a ku kitukila.

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisabhu 16:18

O izala iene mu tuama, anga kukaiela o kusenguluka; o kudizangeleka kua muẋima kuene mu diangela, anga kukaiela kiua o kibhalu.

Jisabhu 19:3

Usemenhi ua muthu, uene u mu seluila o njila iê; o ku muẋima uê-phe, u tatela Ngana.

Izaía 38:1

Mu izuua muenhomo, Ezekiia ukata uhaxi ua kúfua; Izaia, monʼa Amoji, o musesedi, anga uiza kua muene, iu ua mu ambela, uixi: Jihova ua-mbe kiki: Lekelela kiá dibhata dié, mbata mu kúfua mu uala, kua-nda kukola dingi muenhu.

Matesu 27:5

Juda muène bhenhobho, u zangula itadi ia phalata, hé u i takula bhoxi mu Tembulu, anga a tuda-bhu, uia u di nhenga.