II Samuuele 17:16 - O Mikanda Ikola

¹⁶ Kikiphe tumenu lusolo kutangela Davidi, kuila: Kana kutula usuku iú ua lelu ku sámbua kunu bhu tabhu dia iphenza ia kikangalakata; kota u zaúka muene lusolo ku sámbua diodio sé kufula, kuma ki u fula ku ki bhanga, sumba muenexi u buika ni mundu uoso aia-nê kumoxi.

II Samuuele 17:16 ပူးပေါင်းရင်းမြစ်များ

II Samuuele 15:14

Davidi anga u ambela akua mbèle iê ni ene oso aia-nê kumoxi mu Jeluzaleme, uixi: Ndokuenu, tu lengienu! Mukonda se tu kamba ku ki bhanga, ki bhuala u bhuluka kua Abisalone. Endelenu-ku! Sulukenu, imoxi uiza kindala, mbanza ioso hé u i beta ku mazu a xibhata.

II Samuuele 15:28

Talesa, eme nga kà tula hanhi hé ngi suama mu nganga bhu tabhu dia njila ia kikangalakata nga kà kinga njimbu i tunda kokuenu, i ngʼijidisa kioso kiala kuenda o ima.

II Samuuele 15:35

Kuejiia kuma o jinganga Zadoke ni Abiiatale eie uala-nâ kumoxi? Mu-ia ni kuila-phe, kioso eie ki uívua mʼonzo ia muenexi, u ki tangela Zadoke ni Abiiatale, o jinganga.

Jisálamu 35:25

Ka kale dingi mu kuila ku miẋima iâ, exi: Euá! kienhókio! kienhókio! ka kale mu kuila: Tua mu minha muene!

Jisálamu 55:8

Kindala muene ngeje kulenga kavuanza kâ; anga ngi kala kididi kia kondama, katé bhuoso bhua kà bhitila mvula ia kibhungu.

Jisálamu 56:2

Enhó a mu ngi kanena ithangana ioso, a bhindamena muene ku ngi dia; mbata avulu muene ala ku ngi sota ni mahanha phala ku ngi lua.

Jisálamu 57:3

Muene ku diulu u katula uzonda ua ku ngi bhulula mu lusebu, mua ngi bhake ió uandala o ku ngi dia. (Selah.) Nzambi u ngi tumikisa muene o henda iê ni kidi kiê.

I Kolindo 15:54

Uila kiki, o mukutu iú ua kalunga, ki ua kà zuata ua muenhu ki uabhua, o ió ufua ki ua kà zuata ió ki u tena dingi kufua, kiene kia kà bhita kiokio kiosoneke mu Mikanda Ikôla, kuila: Kalunga a mu sengulula. O kikôue kia ku mu tolola kia tenena!

II Kolindo 5:4

Kuma kidi kiene, etu kioso ki tuala mu fundʼumu ia mukutu uetu, tu kema mukonda dia kinemenu kia tu xina. Ki mukonda tu andala a tu zula o mukutu uetu iú ua bhoxi, mbata tua mu kuinda ku tu zuika ni mukutu ua diulu, phala o muenhu u jikinise kiki kia xikamena o kufua.

I Samuuele 20:38

Jonata anga u kolela dingi kaiala, uixi: Endelà-ku, lusolo, ku laleke! Kaiala ka Jónata-phe anga u bonga jihunji, u ji bhekela muadiʼê.