II Samuuele 16:23 - O Mikanda Ikola

²³ O phangu ia Ahitofele-phe, ia kexe mu bhana mu izuuʼoio, i kala mukuâ ni kuila ia muthu ua zambuila kua Nzambi, o Nzambi iu ua mu vutuila; kiene muenʼiki kia kexi o jiphangu joso ja Ahitofele, kutale kua Davidi uixi kiala kua Abisalone.

II Samuuele 16:23 ပူးပေါင်းရင်းမြစ်များ

II Samuuele 15:12

Abisalone anga u tuma Ahitofele mukua Ngilo, ua tokala mu makota ma jitata ku kifuandu kia Davidi; u mu tuma ku bhata diê ku Ngilo, kioso muene kiala mu bhana jisata. O kikutu kia ufe anga ki-ia ni ku kala kikutu kia nguzu; o mundu anga enda ni ku di bandekeza jinga kua Abisalone.

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

II Samuuele 17:1

Ahitofele anga u ambela dingi Abisalone, uixi: Ngʼehele ngi sole mala a tena kuinhi dia midi ni midi jiiadi, ngi balumuke-nâ, ngi kaiele Davidi hanji usuku ua lelu uenhú.

II Samuuele 17:14

Abisalone ni mala oso a Izalaiele, exi: Ua mono? Phangu ia Husai mukua Adiki kota, phangu ia Ahitofele ndenge. Kuma Jihova muene ua ki lekela phala kutudisa o phangu iambote ia Ahitofele, mbé Jihova a bheke divuua ku thandu dia Abisalone.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jobe 5:12

O ixinganeku ia jinjimu, Muene u i kitula kingoho, phala maku mâ a lémbue kubhanga ioso ia solo o mixima iâ.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Jisálamu 28:2

Ivua dízui diami dia kudionda, kioso ki ngi dikola kokué; ni kioso ki ngi sunununa maku mami, ni kulunga pholo ku kididi kié kikôla.

Ndongixi 10:1

Mukuâ ni luhamue lua-fu, ki lu bhangesa o kutukumuka dizumba dia ibha, hé lu zanga unguendu ua mukua kuiudika ima ia mazumba ma mbote, kiene ue ki di bhanga o uôua uòfele ku muthu ua fumana ni unjimu.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 8:9

O jinjimu sonhi ja a kuata, a a tukumuisa ia a a kutu: Oko a tènde o kizuelu kia Jihova; unjimu uahi-phe ua kala na-u?

Dialuilu 27:21

Muene uimana bhu pholo ia nganga Eleazale, o ió u kala mu ku mu zambuila, muzambu ua Udimi kua Jihova, hé bhu kala kutunda, kizuelu ki tunda kua muene; hé bhu kala kubokona, kizuelu ki tunda kua muene; ni muene ni ana oso a Izalaiele kumoxi, kilômbo kiê kioso.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Luka 16:8

Ngana iê anga u ximana o kimbadi kia mangonha, mukonda dia kudimuka kuê. Mbata anʼa mu ngongo a beta o kudimuka mu kikexilu kiâ, anʼ a mukengeji ndenge.

Loma 1:22

Ene a di tange exi tu jinjimu, maji a biluka ioua.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

I Samuuele 30:8

Davidi anga u ibhula kua Jihova, uixi: Kibuka kiki, se ngi ki kaiela manhi ngʼa kuata? Anga Jihova u mu vutuila, uixi: Kaiela, u a kuata muene, iene ioso u i tambula dingi.