II Samuuele 16:21 - O Mikanda Ikola

²¹ Ahitofele anga u ambela Abisalone, uixi: Bokona kua akama a tatʼenu, a a xila o kutambula o konda ia dibhata; Izalaiele kioso-phe kia-nda ku kʼivua kuma ua di zembesa kua tatʼenu, ene oso-phe a ku bande, makuʼâ a kola kiá.

II Samuuele 16:21 ပူးပေါင်းရင်းမြစ်များ

Dimatekenu 34:30

Jakobo anga u ambela Ximinhá ni Levi, uixi: Mua balumuna mvunda, mua ngi nuhisa kiaiibha ku akuaʼxi, o Makanana ni Mapelezi; eme nga tolo makuenze, a-ndu ngi bhongolokela mu kubhânga, hé a ngi beta; ni eme-phe ni dibhata diami a tu buidisa.

Dimatekenu 35:22

Anga ki bhita-phe kuila, kioso Izalaiele kia tungu hanji mʼoxi muenhomo, Lubene uia u zeka ni Bila, mukamʼa phaiʼâ; Izalaiele anga u kʼivua. O anʼa Jakobo-phe a mala a kala kuinhi dia muthu ni kiiadi;

Dimatekenu 38:16

Anga u bhambuka bhuoso bhua xikama, uixi: Iza-ze, ngi ku bokone; kuma ka kʼijiia kuila mukajiʼa monʼê. Kuala muhatu: U ngi bhana-hi phala ku ngi bokona?

Dimatekenu 6:4

Izuua ienʼoio mu ngongo mu kala iiala ia makota, ni ku pholo kunu anʼa Nzambi a mala kia sakana ni anʼa athu a ahatu, anga a vuala-nâ ana; enhá ene a kexile o mazonda ma xahulu, o iiala ia xi fuma.

II Samuuele 10:6

Anʼa Amone kia mono kuila a di nuhisa zumba diaiibha kua Davidi, anʼa Amone a tuma kukasa akua Sídia bhu Bete-Lehobo ni akua Sídia mu Zoba, makuinhi aiadi a midi ia muthu, akua kuenda bhoxi, ni sobha ia Mahaka ni midi ia muthu, ni akua Tobu kuinhi dia midi ni midi jiadi.

II Samuuele 12:11

Kala kiki, Jihova uixi: Ngi ku balumuina ufe mu dibhata dié muene; ngi ku tambula akajiʼé ku mesu mé, anga ngʼa bhana mukuenu uengi, muene uà kà zeka-nâ mu muanha uatu.

II Samuuele 13:5

Jonadabe anga u mu ambela, uixi: Zeka bhu hama ié, u di bhangese kukata; o tatʼenu kia-nda kuiza ku ku kunda, u mu ambela kuila: Nga ku diondo, phangʼiami ia muhatu Tamala eze, a ngi bhangele kúdia ku mesu mami muene, ngi ki mone, ngi dile ku lukuaku luê.

II Samuuele 15:16

Muenexi anga u tunda, ni dibhata diê dioso di mu kaiela. Muenexi anga u xia ngó ahatu, kuinhi dia muthu, akama, mu langa inzo iê.

II Samuuele 16:20

Abisalone bhenhobho anga u ambela Ahitofele, uixi: Tu bhane phangu ioso i tua fuama kubhanga.

II Samuuele 17:7

Husai anga u ambela Abisalone, uixi: Phangu ia bhana Ahitofele kithangana kiki ki ia uabha.

II Samuuele 2:7

O ki tualʼiki-phe, kolenu maku, mu bhange undanda; kuma muadiʼenu Saúlo uafu, o muiji ua Juda a ngʼundu eme mu kala sobha iâ.

II Samuuele 20:3

Davidi anga u bhixila mʼonzo iê mu Jeluzaleme; muenexi u kuata kuinhi dia muhatu, akamʼê, ua a xile kutambula konda ia dibhata, anga u a bhaka inzo iâ imoxi mu ku a kondeka, u a dikila ni kúdia, maji muene-phe ka a bokona dingi. Anga a kala muenhomo mua a jikila, katé bhu ufuilu uê, kifua mu kikexilu kia utudi.

I Jisobha 11:25

Anga u kala mu di kuata jinga ni Izalaiele izuua ioso ia Solomá, ku thandu dia phulu ue ia kexi mu bhanga Hadade, mukonda dia kuzemba Izalaiele, kuma Hadade muene ua kexi sobha ia Sídia.

I Jisobha 2:17

Muene-phe uixi: Nga ku diondo u ngi zuelele kua Solomá, muenexi, kuma eie ka tena ku ku dituna, a ngi bhane Abisaki, mukua Suneme, mbé a kale mukajiʼami.

I Jisobha 2:22

Sobha Solomá anga u kumbulula mamʼâ uixi: Adoniia u mu bhingila kiebhi Abisaki, mukua Suneme? Ku mu bhingila-hi ue kiá ni ungana uene, kuma muene kota diami? Ngambe, mu bhingile kiá muene, ni nganga Abiiatele, ni Jouabe monʼa Zeluia.

Ijila 18:8

Mukajiʼa tatʼenu eie kana ku mu vungununa o tuẋi iê; se ua mu tale o tuẋi iê, tatʼenu ua mu tale.

Ijila 20:11

Se bhu kala diiala u zeka muhatuʼangeneʼa phaiiʼâ, ua vungununa-phe o mukutu ua phaiiʼâ; kiiadi kiâ a fue muene, sé phata; o manhinga mâ a soke-nâ ku thandu diâ.

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

I Kolindo 5:1

Kia fumana kuma sai mudienu undumbu, undumbu uene ua bhingi né ku matumbu ki u moneka. Kuma ngʼ evu kuila sai diiala mudienu ua sakana ni manhʼâ ia katumba, mukaji a tatʼâ!

I Samuuele 13:4

Izalaiele ioso anga evua hundu kuma Saúlo ua beta ku mazu a xibhata o poxto ia akua Fidíxia, mukonda dia kiki Izalaiele-phe ala mu kizembu kia akua Fidíxia. Mundu uoso anga a bhongoloka kua Saúlo bhu Jidingale.

I Samuuele 27:12

Akiji anga u xikina Davidi, uixi: Ua di zembesa ku muiji uê ua Izalaiele; mukonda dia kiki, ua xalela dikuenze diami.