II Samuuele 16:2 - O Mikanda Ikola

² Muenexi anga u ambela Ziba, uixi: Ni ima iii i ueza na-iu uambe kiebhi? Kuala Ziba: Jibûlu phala athu mu dibhata dia muenexi kuia ni kumondala; o jimbolo ni ibundu ia kixibhu phala makuenze kúdia; o vinhu phala oso a sota kusèndukila mu ditutu a nue.

II Samuuele 16:2 ပူးပေါင်းရင်းမြစ်များ

Dimatekenu 21:29

Abimeleke-phe uibhula Mbalahamu, uixi: O sambuadi dia mbudi jiji ja kexil ʼahi bhabha? Sambuadi dia mama ia jimbudi, ji ua di tudilila ni kididi kiê?

Dimatekenu 33:8

Izaú-phe, uixi: Ua bhange kiebhi o kilômbo kioso ki nga takana na-kiu mu njila, lomboluelu diê diahi? Jakobo-phe, uixi: Phala ngi bonge kiadi bhu mesuʼé, ngana iami.

II Samuuele 15:1

Kia zubha kubhita imʼiii, Abisalone u di iudikila dikalu ni jikabalu, ni makuinhi atanu a muthu akala mu ku mu tuamenena ku pholo.

II Samuuele 15:23

Oxi ioso anga a kala mu dila jingololo, mundu anga a kala mu zaúka katé ku sámbua; muenexi muene anga u zaúka ue o kahonga ka Kidolone, mundu uoso anga a zubha kuzaúka, a di tela njila ia ditutu, mu kuia ku kikangalakata.

II Samuuele 17:29

ni uiki, ni matheka, ni jimbudi, ni heju ia lete ia ngombe, hé a i bhekela Davidi ni mundu uoso aia-nê phala kúdia, mbata exi: Mundu iú ala ni nzala ni dibhuilu, ni dinhota mu iangu ngó mu ala mumu.

II Samuuele 19:26

Muene u mu vutuila, uixi: Kùku, ngana iami, mubhikʼami muene ua ngi nganala. Kuma, eme ngi mubhikʼé, nga mu edile ngi zuikile bûlu, ngi mondale ngendele kumoxi ni muenexi, mukonda nga nemana.

Izekiiele 37:18

O ki kala o anʼa mundu ué a ku zuelesa, exi: Abha, o kia lombolola o ima iii ku tu tangelaʼkiu?

Afundixi 10:4

U kala ni anʼê a mala, makuinhi atatu a muthu, a kala mu mondala makuinhi atatu a bulu, anga a kala ue ni jisanzala jâ, makuinhʼatatu a sanzala, a jʼixana Jisanzala ja Jaile katé mu kizúua kia lelu, u ji sanga mʼoxi ia Ngiliiade.

Afundixi 5:10

Enu mua sambela ku jibûlu jizela, enu mua xikama ku jixalemanda ja iuka kinéne, enu mua-lu bhita mu jinjila, ambenu-kiu.

I Samuuele 14:28

Muthu ku mundu anga u mu kumuna, uixi: Tatʼenu ua tendelela o mundu uoso ni kuloka, uixi: A mu bhubhidile uoso udia dikoka lelu. Mundu-phe a bhuila kiá ni nzala.

I Samuuele 25:27

Ujitu-phe iú u nga ku bhekela ngana, ngi mubhikʼé, u u bhane minzangala iá a ku kaiela, eie u ngana iami.