II Samuuele 15:36 - O Mikanda Ikola

³⁶ Ene-ze ala ni anʼâ aiadi, Ahimaaze monʼa Zadoke, ni Jonata monʼa Abiiatale; enhó ene-phe a kala athu a ku a tuma mu ku ngʼijidisa eme ioso i mu ivua.

II Samuuele 15:36 ပူးပေါင်းရင်းမြစ်များ

II Samuuele 15:27

Muenexi u ambela ue dingi nganga Zadoke, uixi: Eie manhi, kʼemuene u mukua lumono lua kumona? Vutuka ku mbanza ni paze, ni anʼenu aiadi enu-nâ, Ahimaaze monʼê, ni Jonata monʼa Abiiatale.

II Samuuele 17:15

Husai anga u ambela Zadoke ni Abiiatale jinganga, uixi: Kiki ni kiki kiene kia longesa Ahitofele kua Abisalone ni adiakimi oso a Izalaiele; kiki ni kiki-phe ki nga a longesa eme.

II Samuuele 17:17

Kienhokio Jonata ni Ahimaaze, a xikama bhu mbandu ia Fixi ia Eni-Rokele; anga bhu kala kahatu kaia ku a tangela, ene anga aia kutangela Davidi; ndunge ia kuila ka a mone mu luua kia bokona mu mbonge.

I Jisobha 1:42

Kioso-phe kiala mu zuela, Jonata monʼa nganga Abiiatale, u tula bhu kanga, Adoniia-phe anga u mu ambela, uixi: Tu sangeku! Bokona eie u muthu uambote, u dikuenze, ku kambe kuiza ni hundu iambote.