II Samuuele 15:30 - O Mikanda Ikola

³⁰ Davidi anga u kala mu banda ku disámbua diodio dia honga ia Kidolone mu mbanjidilu ia mulundu ua Midiva; kioso kiala mu banda uala kuenda ni kudila, ua di futu mútue, uala kuenda ni inama ia hatu bhoxi; mundu uoso ala kuendela-nê kumoxi anga a di futa uâ mítue, ala mu kuila ia a banda ia enda ni kudila.

II Samuuele 15:30 ပူးပေါင်းရင်းမြစ်များ

II Samuuele 15:29

Zadoke bhenhobho, ni Abiiatale a bheka dingi álaka ia Nzambi mu Jeluzaleme anga a xikama muenhomo.

II Samuuele 19:4

Muenexi muene ua di futu o pholo, u dila ni dízui diasuina, uixi: Aiué monʼami Abisalone, Abisalone, tata, monʼamiʼé, monʼamiʼé!

II Samuuele 19:5

Jouabe anga u bokona mʼonzo kua muenexi, uixi: Eie lelu ua bheka jisonhi mu jipholo ja makuenze mé, edi lelu ene a ku bhana muenhu, ni muenhu ué eʼmuene, ni mienhu ia anʼé a mala ni ia ahatu, ni mienhu ia akajiʼé ni ia akama.

Estere 6:12

Moledekai a mu nhungisa kienhiki anga uiza dingi u tula bhu muelu ua Sobha. Hamane-phe uia ni lusolo ku bhata diê, ua kakuka, ua di futu mútue—

Jisálamu 42:3

Muanha ni usuku, kúdia kuami masoxi; mbe iá ala ku ngi ta môndo izuua ioso, exi: Nzambi ié ua ku kala kuebhi?

Jisálamu 43:5

Ua bhuidila-hi muẋima uami? Ua zôndela-hi moxi diami? Dielela kua Nzambi, kuma hinu ngi mu ximana dingi. Mbata muene o kusangumuka kua pholo iami, muene Nzambi iami.

Izekiiele 24:17

Mikemu ié suikika-iu; o athu a fu ku a zuatele ndombe; kutila o dizamba dié ku mútue, o inama ié tá na-iu mu jisabhatu; o pholo ié kana ku i sueka, kua kà die ue o mbolo i ku tumikisa o athu.

Izekiiele 24:23

Hé mua kà kala ni mazamba menu ku mítue, o jisabhatu jenu ja kà kala ue ku inama ienu; ki mua-nda kua kà di tata mba mua kà dila, maji mua kà hohela mu ikuma ienu hé mua kʼàia ni kukema mudienu, iá kuku, iá koko.

Zakadiia 14:4

Mu kizuuʼokio-phe, inama iê ia kà tula ku mulundu ua Midiva, ua lulama ni Jeluzaleme ku mbandu ia Mutundila-Kumbi; o mulundu ua Midiva a kà u jikula muʼaxaxe, mbandu iii kuthunda, o mbandu ia mukuá ku luiji; kienhókio bhua kà kala dikôlo dia dikota kinéne bhuʼaxaxe; anga mbandu ia muvimba ia mulundu ia kà uanunukina ku Suku o ia mukuá ku Sulu.

Matesu 5:4

A zediua adila, mbata Nzambi ua kà a tululula.

Luka 19:29

Kia bhixila bhua zukama ni bhu Betefaji, ni bhu Betanha, ku mulundu a uixana kuma ua Midiva, u katula jixibulu jê jiiadi, uixi:

Luka 19:37

Kuila a zukama kiá mu Jeluzaleme, mu kukulumuka o Mulundu ua Midiva, kifuẋi kioso kia jixibulu ni mundu uavulu uala ku mu kaiela, ki kuata kusanguluka ni kuximana Nzambi ni mázui ma suina, mukonda dia ikalakalu iònene ia mono, exi:

Luka 19:41

Mu kuia mu kubhiẋila, u mona o mbanza, anga u i dila, uixi:

Luka 21:37

Mu muanha Jezú u kala mù longa mu Tembulu izuua ioso. Maji o mu usuku uia ku kanga, hé u kala ku mulundu a uixana ua Midiva, katé ki kukia.

Luka 22:39

Jezú anga u tunda, uia ku mulundu ua Midiva, kala kiene kubhanga. O jixibulu ue ja mu kaiela.

Jipoxolo 1:12

Jipoxolo kienhókio anga a vutuka ku Mulundu a uixana ua Midiva, eza mu Jeluzaleme. O dikanga diê diala-bhu diene dia njila ia Sabhalu, (kifua kilómetulu imoxi iene).

Loma 12:15

Sangulukenu kumoxi ni iá a sanguluka, dilenu kumoxi ni iá a dila.

I Kolindo 12:26

O ki kala kidiandu kimoxi ki kata, idiandu ioso i katela-nê kumoxi. Se kidiandu kimoxi a ki zangeleka, idiandu ioso i tana-nê kumoxi. Ngeleja,