II Samuuele 15:2 - O Mikanda Ikola

² Abisalone anga u kala mu di meneka, u imana bhu mbanduʼa njila bhu muelu ua kimbaka. Bhenhobho-phe kʼiza muthu uoso-uoso ni dimanda dia kufundila bhu pholo ia muenexi, Abisalone u mu ixana, uixi: U mukua bhata kuebhi? Muene uila, uixi: Ngi mubhiukʼé, nga tokala bhu nganji mu miji ia Izalaiele.

II Samuuele 15:2 ပူးပေါင်းရင်းမြစ်များ

Dimatekenu 34:20

Hamolo-phe, ni monʼê Xikeme, anga eza bhu muelu ua kimbaka kia dibhata diâ, a ta maka ni mala a akua bhata, exi:

II Samuuele 19:8

Bhenhobho muenexi anga u balumuka, u xikama bhu muelu ua kimbaka. Anga a ki tangela mundu uoso, exi: Muenexi-ze iú ua xikama bhu muelʼú. Bhenhobho mundu uoso anga eza bhu pholo ia muenexi. Maji-phe akua Izalaiele oso a lenge kala muthu ku bhata diê.

II Malunda 10:7

Ene anga a mu zuelela, exi: Se eie u di bhanga u muthu uambote, ua nengana muẋima ku kifuẋi kiki, anga u a tela maka ma mbote, ene izuua ioso a-ndu kala muene abhikʼé.

Jobe 24:14

O kijibhanganga u balumuka mu kimene-mene, hé u jibha o ngadiama ni phulungu ua tate; o mu usuku u di fuangana ni muiii.

Makatukilu 18:14

Ukouʼa Mozé-phe kia zubha ku mu mona ioso iala mu bhanga ku mundu, uixi: Ihi ienhiʼii i uala mu bhanga ku mundu? Ua xikamenaʼhi ubheka ué ni mundu uoso ku ku imanena kiki, tunde kimene katé ngoloxi?

Makatukilu 18:16

Kioso, ene kia kala ni maka, eza kokuami, eme ni ngi fundisa bhu kaẋi ka muthu ni mukuâ, hé ngʼa tangela itumu ia Nzambi.

Makatukilu 18:26

Anga enhá a kala mu fundisa o mundu mu thembu joso; maka abhonzo a a bheka kua Mozé, maka ofele-phe ene a a tetulula mudiâ.

Jisabhu 4:16

Kiene kialʼokio, kaii ku kilu, se ka bhange phulu; o kia kamba ku luezesa muthu mu njila jê, kilu ki a lenga mu mesu.

Daniiele 11:21

Anga bhu kididi kiê kua ka balumuka muthu uengi uaiibha, u kala semenhi, o iú athu ka-nda kuxikana ku mu bhana kijingo kia tokala utuminu, maji muene-ku ua-nda kuiza ni kuzomba, anga utuminu u u tambula ni jimvunda.

Matesu 27:1

Kukia ni kimene, jinganga ja makota joso ni adiakimi a Jijudé a bhongoloka mu tetulula kioso kia jibha Jezú.

Matendelelu 17:8

Mu kubatula milonga, se bhu kala diba dia ku bhonzo, hé mvunda ia athu a di jibha mbandu ni mbandu, mba dimânda ni dimânda, mba a di kuama enhoso, mba-phe a di kuata jiphata ia a di bhinjika, muʼaxaxi ka mabhata menu; balumuka-phe, u bande ku kibuta kioso kiasolo kuala Jihova Nzambi ié,

Lute 4:1

Bouaji anga u banda ku bhata, u tula bhu muelu ua kimbaka, u xikama. Mu nanga kathangana, ndandu iazukama u tena kukala mukudi ua kubhanga undundula kua Lute, kala kiambele Bouaji, u kala mu bhita. Muene anga u mu handekela, uixi: Xeie, ngânji! Iza hanji kunu, u xikame bhabha.