II Samuuele 15:14 - O Mikanda Ikola

¹⁴ Davidi anga u ambela akua mbèle iê ni ene oso aia-nê kumoxi mu Jeluzaleme, uixi: Ndokuenu, tu lengienu! Mukonda se tu kamba ku ki bhanga, ki bhuala u bhuluka kua Abisalone. Endelenu-ku! Sulukenu, imoxi uiza kindala, mbanza ioso hé u i beta ku mazu a xibhata.

II Samuuele 15:14 ပူးပေါင်းရင်းမြစ်များ

II Samuuele 12:11

Kala kiki, Jihova uixi: Ngi ku balumuina ufe mu dibhata dié muene; ngi ku tambula akajiʼé ku mesu mé, anga ngʼa bhana mukuenu uengi, muene uà kà zeka-nâ mu muanha uatu.

II Samuuele 15:15

Akua mbèle ia muenexi anga a mu ambela, exi: Etʼú, tu abhikʼé, tuala polondo phala kubhanga kioso ki tuma muadiʼetu, muenexi.

II Samuuele 19:10

Abisalone-phe muene tua mu undile ku ungana uetu, a mu jibhila kiá ku ita. Kiki-phe mua di xibhila-hi nguenu kuzuela phala muenexi ni mu mu takane nʼeze dingi bhu kididi kiê?

II Samuuele 19:9

Mundu uoso anga a kala mu zoka mu miiji ioso ia Izalaiele, ni kuzuela, exi; Muenexi muene ua tu kudidile bhu lukuaku lua jinguma jetu, muene ua tu bhuluile bhu lukuaku lua akua Fidíxia; o kiki-phe mʼoxi ua lenge-mu mukonda dia Abisalone.

Jisálamu 51:18

Ki ku uabhele, Ngana, kubhanga mbote kua Ziione, tunga dingi eie-muène o imbaka ia Jeluzaleme.

Izekiiele 46:18

O kilamba-phe ka kà tambula kima ku undundu ua kifuẋi; ka kà a bhûnde kima kiâ kia muambiʼa kidi; o ku kiê-muene-muène, kia muambe-a-kidi, kuene kua kà xa o undundu phala o anʼê, mbebhu o mundu uami kʼaie ni ku u katula, kala muthu, ku kiê kia mu tokala.

Matesu 11:12

Tunde mu izuua ia Nzuá dia Batizu, o Utuminu ua Diulu a u balukila, akua nguzu a u bokona ni kusuina.

Luka 10:15

Eie ue, Kafanau, kífua u zangalala katé ku diulu? A-nda kuà ku tununa katé mu ʼalunga!