II Samuuele 14:7 - O Mikanda Ikola

⁷ O ki tualʼiki família ioso ia ngi lungulukila eme, exi: Tu thelekale uoso ua te o kituezu kua phangʼiê, etu ue tu mu jibhe mukonda dia muenhu ua phangʼiê ua bûba, phala muene ue tu mu fudise o kukala kabhingano. Kala kiki, andala dikala diami dia túbhia dia xala-ku, a ngi jimina-diu, ni eme ni munumeʼami hé tua kà xala sé dijina sé mbutu mu ngongo.

II Samuuele 14:7 ပူးပေါင်းရင်းမြစ်များ

Dimatekenu 27:45

hinu se kala dingi ku ku kanena, njinda ia mu bhu, o ki ua mu bhange kia mu jimbi kiá, ngi tuma ku kuixana, uize dingi kunu; kuma phala-hi ki bhita kuila anʼami kiiadi ene oso a ngi fua mu kumbi dimoxi?

Dimatekenu 4:14

Eie-phe ua ngi kaiʼó kizuua kia lelu, ku mavu a ngongo; bhu pholo ié kifua ki ngi kala-bhu dingi; ngenda jinga ni ku ku suamena, ngà kala ngi munhungani, ngi lenga-lenga ngó, ngi muthu ki ngi moneka kididi mu ngongo; kià kala-phe kuma uoso ió u ngi tuuama, u ngi jibha.

II Samuuele 12:17

Adiakimi a dibhata anga a mu imanena, a sota ku mu balumuna bhoxi bhua zeka; maji muene-phe ngué kubalumuka, ni kúdia-nâ kumoxi ka xikina.

II Samuuele 14:6

Ngi kahatu ké-phe, nga xedi ni anʼaiadi a mala, anga a dikuata mvunda ene ubheka uâ mu mukáu, ki bhuala u a muangununa, iú-phe u ta kituezu kua mukuâ, hé u mu jibha.

II Samuuele 14:8

Muenexi anga u ambela muhatu, uixi: Ndeie ku bhata dienu, eme ngi bhane ngonge ioso ia tokala ku mbandu ié.

Dialuilu 35:19

Muzokediʼa manhinga muene u jibha o kijibhanganga; bhuoso bhua takanena-nê, a mu jibhe.

Matesu 21:38

Idimakaji-phe kia mono o mona, a di ambela mudiâ, exi: lú muène kabhinganu! Ndoko, tu mu jibhienu, o undundu uê nda tu mu buê-u!

Matendelelu 25:6

O monʼa diiala uoso a dianga ku mu vuala, a mu luke dijina dia difundu phangʼiê, phala o dijina diê ki di jimuke mu Izalaiele.