II Samuuele 14:6 - O Mikanda Ikola

⁶ Ngi kahatu ké-phe, nga xedi ni anʼaiadi a mala, anga a dikuata mvunda ene ubheka uâ mu mukáu, ki bhuala u a muangununa, iú-phe u ta kituezu kua mukuâ, hé u mu jibha.

II Samuuele 14:6 ပူးပေါင်းရင်းမြစ်များ

Dimatekenu 4:8

Kaini anga u zuela ni phangʼê Abele, uixi: Tuie ku mukáu. O kioso kiala kiiadi kiâ mu mukáu, anga ki bhita-phe kuila Kaini u lungulukila Abele, phangʼiê, hé u mu jibha.

II Samuuele 13:28

Abisalone anga u tendelela makuenze mê, uixi: Alukenu kiambote, kioso ki mu mona muẋima ua Aminone ua mu sanguluka kiá ni vinhu, se muevu nga mi ambela kuila: Aminone mu tienu! Enu-phe mu mu jibha muene; ki mu kale ni uoma, kabasa eme muene nga ki tumu; kolenu maku, mu bhange undanda!

II Samuuele 13:29

Makuenze a Abisalone anga a bhanga Amonone kala kioso kia a tumu Abisalone, ngana iâ. Ana oso a muenexi anga a balumuka bhenhobho ni lusolo, kala muthu u di ta ku mula iê, u lenga.

II Samuuele 14:5

Muenexi u mu ambela, uixi: Ihi kia ku kuata? Muene u vutula, uixi: Kidi muene ngi mutudi, munumeʼami uafu.

II Samuuele 14:7

O ki tualʼiki família ioso ia ngi lungulukila eme, exi: Tu thelekale uoso ua te o kituezu kua phangʼiê, etu ue tu mu jibhe mukonda dia muenhu ua phangʼiê ua bûba, phala muene ue tu mu fudise o kukala kabhingano. Kala kiki, andala dikala diami dia túbhia dia xala-ku, a ngi jimina-diu, ni eme ni munumeʼami hé tua kà xala sé dijina sé mbutu mu ngongo.

Makatukilu 2:13

Kizuua kia kaiadi anga u tunda dingi, u sanga mala kiiadi, Jihebeleu joso, ala kuzoka; anga u ambela ió uoso uala kubhanga kiaiibha kua mukuâ, uixi: Uala mu betela-hi mukuenu?