II Samuuele 14:32 - O Mikanda Ikola

³² Abisalone anga u vutuila Jouabe, uixi: Ku mono, nga ku tumine luiadi, ngixi: Izá kunu, ngi ku tume kua muenexi kuibhula mba nga tundila-hi ngó ku Ngesule? Mukonda ujitu uê kota, se nga xedi hanji kuenhoko. Kiki-phe a ngi bhane disesa dia kumona pholo ia muenexi; o ki kala-phe ua mono ngala ni kituxi, a ngi jibhe.

II Samuuele 14:32 ပူးပေါင်းရင်းမြစ်များ

Dimatekenu 3:12

Bhenhobho diiala uixi, o muhatu ua ngi bhana kukala-nê, muene ua ngi bhana ku muẋi, eme nga di.

II Samuuele 13:37

Abisalone-phe u lenga, uia kua Talamai, monʼa Amihudi, sobha ia Ngesule. Davidi anga u kala mu dila monʼê izuua ioso ioio.

II Samuuele 14:31

Jouabe anga u balumuka, uia kua Abisalone mʼonzo iê, u mu ambela, uixi: Phala-hi akua mbèle ié a ngi tela díbhia mu túbhia?

II Samuuele 3:3

kaiadi Kileiabe, monʼa Abingaile mukaji a Nebale, mukua Kalumelo; katatu Abisalone, monʼa Mahaka, uavu tatʼâ Talamai, sobha ia Ngexule;

Jisálamu 36:2

Kuma o muthu mu kuxinganeka kuê, u di bhomba kuila kituxi kiê ki kia-nda kutukuluka, phala athu ku mu sebulula.

Makatukilu 14:12

Ki kiene ki tua ku ambela mu Ijitu, tuixi: Tu ambule, tu kale kubhikila akua Ijitu? Kifua ki kota kubhikila akua Ijitu, ki soka ni kufuila mumu mu kikangalakata?

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Makatukilu 17:3

O mundu-phe bhenhobho dinhota dia a kuata; mundu anga a longolola Mozé, exi: Phala-hi ua tu katula mu Ijitu; phala ku tu jibha ni dinhota, etu ni anʼetu ni ibaku ietu?

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Matesu 25:44

Ene a kà kumbulula, exi: Ngana, kizuua kiebhi ki tua ku muene ni nzala, mba dinhota, mba u musonhi, mba ni tuẋi, mba mu kukata, mba mu ʼaleia, anga tu kamba ku ku bhindumuna?

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

I Samuuele 15:13

Samuuele anga u mu kaiela kunhoko hé u bhiẋila bhuala Saúlo, o Saúlo kia mu mono anga u mu ambela, uixi: Tana-ku, eie u muthu ua Jihova. Nga kumbidila kioso kia ngi tumu Jihova.

I Samuuele 20:8

Hé kiene, ngi kuatele henda ngi mubhikʼé, kuma mubhikʼé ua mu bheka mu kikutu kia Jihova ki ua te eie ni eme; o ki kala-phe ua ngi mono kubhukumuka, ngi jibhe kiá eie muene, u ngi bhekela-hi ngó kua tatʼenu?