II Samuuele 14:22 - O Mikanda Ikola

²² Jouabe bhenhobho anga u bhetamena pholo bhoxi hé u diunda, u sakidila muenexi. Anga Jouabe u zuela, uixi: Lelu, ngi mubhikʼé, ngejiia kuma nga sange ngalasa mu mesu mé, kùku, ngana iami, kuma eie u muenexi ua kumbidila kioso ki nga ku bhingi, eme mubhikʼé.

II Samuuele 14:22 ပူးပေါင်းရင်းမြစ်များ

Dimatekenu 47:7

Zuze anga u bheka Jakobo dia tatʼâ, u mu tula bhu pholo ia Falaó. Jakobo anga u benzela Falaó.

Dimatekenu 6:8

Noué-phe u sanga kiadi ku mesu ma Jihova.

II Samuuele 14:21

Muenexi anga u ambela Jouabe, uixi: Talesa, nga kuivu kioso ki ua ngi bhingi. Ndéie-phe, munzangala Abisalone u mu takane, eze dingi ku bhata.

II Samuuele 14:23

Jouabe anga u balumuka-bhu, uia ku Ngesule, u takana-ku Abisalone, hé u mu bheka mu Jeluzaleme.

II Samuuele 14:4

O muhatu mukua Tekoua kieza kuzuela ni muenexi, u diunda, u bheza, uixi: Sobha, tatuʼodio!

II Samuuele 19:39

Mundu uoso anga a zaúka Njolodá, muenexi ue anga u zaúka; muenexi anga u bhana Badizilai jibeju, u mu tula kizediuise, muene anga u vutuka ku bhata diê.

Nehemiia 11:2

Anga kifuxi a kala mu sakidila athu oso a kexi mu ku di bhana mu vondadî iâ ni muẋima uâ uoso, exi tu kala mu Jeluza! leme, muene mu tu tunga.

Jobe 29:11

Se bhu kala dítui di ngʼivua, dienhódio diamba muene kuma nga zediua; se bhu kala diesu di ngi mona, dienhódio di ngi bhela umbangi.

Jobe 31:20

se o miongo iê ki i ngi tanesa, mba muene ka di vungu ni kindemba kia jimbudi jami;

Jisabhu 31:28

Anʼê ela a balumuka, a mu ixana, exi: Mamanhi ua zediua; kiomuène ue munumiʼê, uila u balumuka, u mu tanesa, uixi:

Lute 2:2

Lute-phe mukua Mouabhe anga u ambela ukoué Nouemi, uixi: Ngehele, ngiie ku mábhia, ngi none tu ixina tua sevada tua laúka kua iá ala kumuna, mu kaiela uoso u ngi kala ni henda nʼa ngi tambula mʼobhia diê. Nouemi anga u mu ambela, uixi: Ndé kiá, monʼami.

I Samuuele 20:3

Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.