II Samuuele 14:19 - O Mikanda Ikola

¹⁹ Muenexi uixi: Maka osoʼá, ua di endela eie muene, inga lukuaku lua Jouabe lu momo? Muhatu anga u vutula, uixi: Kùku, nga loka kala ki uala eie ku muenhu ué moxi, u ngana iami kuma i ua zuela kana muthu u tena kuabhuka, né ku kúdia né ku kiasu mu muxinda ua kizuelu kié! Mbata mubhikʼé Jouabe muene-muene ua ngi tumu, muene ua ngi longesa o makʼama mu nga ku tela, eme ngi kahatu ké.

II Samuuele 14:19 ပူးပေါင်းရင်းမြစ်များ

II Samuuele 11:11

Udiia anga u ambela Davidi, uixi: O álaka, ni Izalaiele, ni Juda ala ngó mu jifundu; muadiʼami Jouabe, ni makuenze a muadiʼami, a te kibangu mu mukáu ua hatu; eme-phe phala-hi ngiia mʼonzo iami mu kúdia ni kúnua ni kuzeka ni mukajiʼami? Ki kôla, Ngana, eie muenexi, kikôla ni muenhu ué moxi! Eme kima kienhiki nga ditunu ku ki bhanga!

II Samuuele 14:18

Bhenhobho muenexi u kumbulula muhatu, uixi: Kana ku ngi dingila-kiu, nga ku diondo, kioso ki ngi ku ibhula. Muhatu anga uixi: Kùku, ngana iami, a zuele kiá.

II Samuuele 14:3

Phala u bokone kua muenexi, u mu zuelese kala kiki: Jouabe anga u mu longesa maka moso ma kà zuela.

II Samuuele 18:13

Né hanji se ngedile ngi ta makutu, ni ngi bu o muenhu uê, kieje kufumana kuma muenexi kene ku mu dingila kima, eie muene ueji ku ngi lungulukila.

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

II Samuuele 3:29

Kikuma kiki ki nemene ku mútue ua Jouabe, ni ku dibhata dioso dia tatʼâ; mu bhata dia Jouabe ki mua kamba dingi mukua kibhubhe kia manhinga, mba mukua dibhute, mba uenda ni mbangala, mba u fuila ku xibhata, mba mu kamba muthu uenda ni kubhinga jimola.

II Samuuele 3:34

Ka ku kutu maku, ka ku te inama mu jingidinhá, maji mukuâ ni muthu a mu bûba ngó kualʼ o isuéia, kiene ki ua dibhale. Mundu uoso anga a ta jingololo a dila dingi kiavulu ku thandu diê.

II Jisobha 2:2

Elija anga uambela Ilizeu, uixi: Xala bhabha, kuma Jihova ua ngi tumu ku Betele. Maji Ilizeu u vutula kuila: Kikola Ngana! Eie kola muenhu u laie. Eme ki ngi tena ku ku xa. Kienʼiki hé aia ku Betele kiiadi kiâ.

Makatukilu 4:15

Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Jisabhu 25:2

Kijingo kia Nzambi o ku kola kikutu mu kukondeka ima ioso; kijingophe kia jingana, o ku solokota ima ioso ia tokala kuijiia.

Jisabhu 4:27

Kana ku kuata uendelu ua ku takujuka ngó, né ku dilu mba ku kiasu; o kinama kié sondolola-kiu mu kubhanga phulu.

Dialuilu 20:17

Tuehele-phe kubhita mʼoxi ié; ki tua-nda kubhita ku mábhia, mba mu isoka ikokʼé-ikoka; ki tu bhambuka ku kadilu, mba tui bhambuka ku kiasu, katé mu jimbambe jé tua somboka-mu.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Matendelelu 28:14

Ku maka iá oso u ngala ku ku tela lelu, kana kubhambuka mu kuila ku dilu mba ku kiasu, anga uenda ni kulandukila kukaiela jinzambi jengi, phala kuia ni ku ji bheza.

Matendelelu 5:32

Endenu-phe ni kubhanga kala kioso kia mi tumu Jihova Nzambi ienu; talenu, kana kuabhukila ku kadilu mba ku kiasu.

Josuué 1:7

Hé kima, eie muene, kala ngó u kindanda, u kole muxima kiavulu, u kale ni muanu ua kualuka ngonge ioso ia ku lekelela mubhikʼami Mozé; ku i xie, mu ku bhambukila ku kiasu mba ku kúdia, mbé uijiie kuenda kiambote kuoso-kuoso ku u di tela.

I Samuuele 1:26

Ana anga u zuela, uixi: Eué! Ngana iami kia kidi kiene kala eie ki uala ni muenhu ué moxi, kuma eme-muene ngi muhatu ió ua kexile bhabha ni eie mù sambela Jihova.

I Samuuele 17:55

Saúlu kia mono Davidi kutunda mù kuia kubhanga ni mukua Fidíxia, u ambela Abinele, kabhitangu ka kifuxi kiê, uixi: Abinele, monʼú, monʼa nanhi? Abinele, uixi: Kuku, Kalè-ku kala ki uala ni muenhu uê moxi, ki nga kʼijiia.

I Samuuele 20:3

Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.

I Samuuele 25:26

Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.