II Samuuele 14:18 - O Mikanda Ikola

¹⁸ Bhenhobho muenexi u kumbulula muhatu, uixi: Kana ku ngi dingila-kiu, nga ku diondo, kioso ki ngi ku ibhula. Muhatu anga uixi: Kùku, ngana iami, a zuele kiá.

II Samuuele 14:18 ပူးပေါင်းရင်းမြစ်များ

II Samuuele 14:17

Bhenhobho, kùku, ngi kahatu ké, ngixi dingi: Kizuelu kia muenexi ki kale kia kutululuka; kuma ki ualʼokio, kùku, ua di bhange mukuâ ni anjo ia Nzambi mu kutongolola kiauabha ni kiaiibha. O Jihova Nzambi ié a ku kuatekese.

II Samuuele 14:19

Muenexi uixi: Maka osoʼá, ua di endela eie muene, inga lukuaku lua Jouabe lu momo? Muhatu anga u vutula, uixi: Kùku, nga loka kala ki uala eie ku muenhu ué moxi, u ngana iami kuma i ua zuela kana muthu u tena kuabhuka, né ku kúdia né ku kiasu mu muxinda ua kizuelu kié! Mbata mubhikʼé Jouabe muene-muene ua ngi tumu, muene ua ngi longesa o makʼama mu nga ku tela, eme ngi kahatu ké.

Jelemiia 38:14

Kieneʼokio sobha Zedekiia u tuma ku muʼixana, o Jelemiia, polofeta, anga uiza bhu pholo iê, bhu muelu ua katatu, ua kexile kʼonzo ia Jihova; o sobha anga uambela Jelemiia, uixi: Nga kuʼibhula kima kimoxi, kana ku ngi suekela kima.

Jelemiia 38:25

Kioso makota kia-nda ku kʼivua, kuila nga zuela ni eie, hé a kuendela, exi: Tu tangele ioso i uambela sobha, kana ku tu suekela-iu, phala etu ki tu ku jibhe; o sobha ua kuambela kima kiahi?