II Samuuele 14:17 - O Mikanda Ikola

¹⁷ Bhenhobho, kùku, ngi kahatu ké, ngixi dingi: Kizuelu kia muenexi ki kale kia kutululuka; kuma ki ualʼokio, kùku, ua di bhange mukuâ ni anjo ia Nzambi mu kutongolola kiauabha ni kiaiibha. O Jihova Nzambi ié a ku kuatekese.

II Samuuele 14:17 ပူးပေါင်းရင်းမြစ်များ

II Samuuele 14:18

Bhenhobho muenexi u kumbulula muhatu, uixi: Kana ku ngi dingila-kiu, nga ku diondo, kioso ki ngi ku ibhula. Muhatu anga uixi: Kùku, ngana iami, a zuele kiá.

II Samuuele 14:20

Kifua ue, muene mubhikʼé Jouabe ua ki bhangela o mulonga ku u bheka mu uiukilu uê; eie-phe, ngana iami, uejiia kiavulu, kala kuijiia kua anjo ia Nzambi, kua kuijiia ni kutongolola o ima ioso mu ngongo.

II Samuuele 19:27

Muene kifua ua ngi tatela ko kué, kùku, ngana iami. Maji eie-phe, kùku, ngana iami, uala mukua ni anjo ia Nzambi; bhanga-phe kioso ki ua mono kia tokala.

II Samuuele 19:28

Kuma dibhata dioso dia tatʼetu a tokalele kuxala madifundu bhu pholo ié, kùku, ngana iami. Maji eie-phe ua ngi bhake eme, ngi mubhikʼé, mu axaxe ka athu a dila ku meza mé. Ngala-phe dingi ni kulunga kuahi, kuila ngi dikola dingi mu kubhinga kima kua muenexi?

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Jisobha 3:9

O ki ngalʼiki, Ngana, ngi bhane, ngi mubhikʼé, muẋima ua kutongoloka mu kufúndisa o mundu ué, phala ni unjimu uoso, ngi tene kutungula kia kidi ni kia makutu; kuma nanhi ua kambe unjimu, u ki tena, kia kufudisa o mundu ué uavulu kiki?

Jobe 6:30

Mbé bhuala kikuma, bhu dimi diami? Inga dimi diami ki di tena kutanga o dilamba di ngala na-diu?

Jisabhu 27:21

Phalata a i tunguila bhu dizunzilu, o ulu a u tunguila mu túbhia tua muzukuta; o muthu-phe a mu tunguila bhu kaẋi ni kia mu ximana kuala akuá.

Jisabhu 29:5

Muthu uoso u kuata kuhanza mukuâ, phala ngó ku mu kuata kafua-pholo, kiókio ua mu zalela uanda mu njila.

Jihebeleu 5:14

O kudia kua nguzu-phe kua tokala adiakime, mukonda dia ku di longa, a sungu kiá kilunji kia kutungula kioso kiauabha, mu kiki kiaiibha.

Josuué 1:17

Kioso ki tua kexi kuívua Mozé mu ima ioso, kiene ki tu kuívua ue eie; kabasa Jihova Nzambi ié u kala kumoxi ni eie, kala kia kexi kumoxi ni Mozé.

I Samuuele 29:9

Akiji anga u vutuila Davidi, uixi: Nga kʼijiia muene kiambote. Eme ku mesuʼami, eie ua ngi uabhela kiavulu kala u mukunji ua Nzambi. Maji-phe o jingana ja akua Fidíxia ene a di tunu, exi: Ku ita kaii-ku ni etu.