II Samuuele 14:11 - O Mikanda Ikola

¹¹ Muhatu ua te-ku dingi; uixi: Kùku, nga ku diondo, xinganeka Jihova Nzambi ié, phala muzôkedi-a-manhinga ka buidise dingi mienhu iamukuá, sumba a buidisa ni monʼami. Muenexi uixi: Nga loka muene kala Jihova ki ala ku muenhu, kuila monʼé ni lundemba luê ngó lumoxi ki lu láuka bhoxi.

II Samuuele 14:11 ပူးပေါင်းရင်းမြစ်များ

Dimatekenu 14:22

Mbalamu anga u ambela sobha ia Sodoma, uixi: Nga zangula lukuaku luami kua Jihova, Nzambi Suke-ku, uaʼvu o diulu ni ixi,

Dimatekenu 31:50

Eie ku uia, ki ua kà tatesa anʼami a ahatu, ki ua kà xa anʼami mù bhenga dingi ahatu amukuâ, bhabha-phe ki bhuala dingi dilemba uala ni etu; iala-ze, Nzambi a kale mbangi bhu kaẋi kamiʼeme ni eie.

II Samuuele 14:10

Muenexi uixi: Uoso dingi u ku kumuna, muenhó uiza-nê kunu, kokuami, ki mungu dingi a tena ku ku kumbudisa.

II Samuuele 14:12

Muhatu anga u zuela dingi, uixi: Kùku, ngi bhane disesa, ngi te-ku dingi tumaka, ngi kahatu ké. Muene uixi: Ndoko, zuela.

II Samuuele 14:21

Muenexi anga u ambela Jouabe, uixi: Talesa, nga kuivu kioso ki ua ngi bhingi. Ndéie-phe, munzangala Abisalone u mu takane, eze dingi ku bhata.

I Jisobha 1:52

Solomá-phe, uixi: Se uidikiza uthu, né lundemba luê ki lu láuka bhoxi; se a mu mona-phe ni úsueia, hinu úfua.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Dialuilu 35:19

Muzokediʼa manhinga muene u jibha o kijibhanganga; bhuoso bhua takanena-nê, a mu jibhe.

Dialuilu 35:21

mba ua mu beta ngó ni maku, mukonda dia ku mu zemba, katé kia fu; uoso ua beta mu mu jibha muene, mukonda kijibhanganga; muzokediʼa manhinga muene u jibha o kijibhanganga, bhuoso bhua takanena-nê.

Dialuilu 35:27

muzokediʼa manhinga nʼa mu sange ku kanga, bhu mbambe ia mbonge ia kukondamena ua somboka-bhu, muzokediʼa manhinga nʼa mu jibha, kèla kuma kituxi kia te.

Matesu 10:30

Kuambe dingi enu-phe katé ni jindemba ku mítue ienu a jiʼ aleka.

Jipoxolo 27:34

Ndokuenu-phe, nga mi diondo, dienu kama koso-koso, mu kale ni nguzu, mu tene kulaia. Kuma enu oso, kana muthu kuandu mu sonoka ngó lundemba lumoxi ku mutue.

I Samuuele 14:45

Mundu anga ambela Saúlo, exi: Kifua Jonata ufua, muthu ua kalakala lelu o kikoue kiosoʼiki mu Izalaiele? Lu ku suke, Saúlo! Mundu anga a loka ue, exi: Kale-ku Jihova ku muenhu, ni lundemba luê ngó lumoxi ku mútue ki lu sonoka bhoxi; kuma muene ua kalakala ni Nzambi kizuua kia lelu. Kienhiki mundu a tambula Jonata bhu maku a Saúlo, a fudisa phala ka fue.

I Samuuele 20:42

Jonata anga u ambela Davidi, uixi: Ndeie kiá ni paze, mukonda tua di lokela kiiadi kietu mu dijina dia Jihova, tuixi: Jihova u kala bhu kaẋi ka eme ni eie, bhu kaẋi ka luvalu luami ni luvalu lué, sé dizubhilu.

I Samuuele 28:10

Saúlu anga u mu lokela mu dijina dia Jihova, uixi: Kalè-ku Jihova ku muenhu, ku kale ngó ni uoma, ki kuiza mulonga mukonda dia kimʼiki.