II Samuuele 13:4 - O Mikanda Ikola

⁴ Anga u ambela Aminone, uixi: Abha-phe, eie u monʼa muenexi, ua mu bhelela-hi kiki izuua ioso? Ku ngi tangela-kiu kioso ki uala na-kiu? Aminone u mu tangela, uixi: Mukonda Tamala ndenge ia phangʼiami Abisalone, nga mu uabhela.

II Samuuele 13:4 ပူးပေါင်းရင်းမြစ်များ

II Samuuele 13:3

Aminone-phe hé u kala ni kamba diê, dijina diê Jonadabe, monʼa Siméia phangʼiâ Davidi; Jonadabe muenhú muthu uadimuka.

II Samuuele 13:5

Jonadabe anga u mu ambela, uixi: Zeka bhu hama ié, u di bhangese kukata; o tatʼenu kia-nda kuiza ku ku kunda, u mu ambela kuila: Nga ku diondo, phangʼiami ia muhatu Tamala eze, a ngi bhangele kúdia ku mesu mami muene, ngi ki mone, ngi dile ku lukuaku luê.

I Jisobha 21:5

Kia mu sange-phe mukajʼê Jezabele, u mu ambela, uixi: Kuezaʼhi kia luualesa o nzumbi ié kiosuʼiki, anga u dituna kudia mbolo?

I Jisobha 21:7

Bhenhobho mukajʼê Jezabele, u mu ambela, uixi: Kindala kʼeie ua mu tumina ku ungana ua Izalaiele? Balumuka, u die mbolo, muẋima ué u sanguluke; eme nga-nda ku ku bhana o dibhia dia mivide dia Nabote, mukua Jizeleele.

Izaía 3:9

O ki u tala jipholo jâ, usuéia uâ ua di monekena; ituxi iâ a i kola muene, kala mu Sodoma; ka i sueka, kana; kokôlo dia muenhu uâ! mukonda ene muene a di bhange o phulu!

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Ijila 18:9

Pangʼié ia muhatu, akale monʼa tatʼenu, akale monʼa mamʼenu, né a mu vualela mʼonzo ienu muene, mba a mu vualela kuengi, eie kana ku mu vungununa o tuẋi iê.

Ijila 20:17

O ki bhu kala diiala u di bonga ni phangʼiê ia muhatu, a mu vuala kuala tatʼâ, mba a mu vuala kuala mamʼâ, anga ela o diiala ua vungununa tuẋi ia muhatu, o muhatu ua vungununa tuẋi ia diiala, o kiókio-phe kikôla kuma abhange kilaua; kala kiki mu a jibhila muene bhu pholo ia akuâ oso a a vuala-na mu kifuẋi kiâ; diialʼodio kuma ua vungununa mukutu ua phangʼiê ia muhatu, phekalu iê utala-na-iu hadi, o kikuma kiê uiana-kiu ku thandu diê.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.

Luka 12:32

Jezú uixi dingi: Ki mu kale ni uôma, kakilunga kófele! Mukonda Tata ienu kia mu uabhela muène o ku mi bhana o Ungana.