II Samuuele 13:32 - O Mikanda Ikola

³² Maji Jonadabe-phe, monʼa Siméia, phangʼia Davidi, u zuela-mu, uixi: Kùku, ku fike a jibha minzangala ioso, anʼa muenexi; uafu ngó Aminone, kuabhu! Kuma Abisalone ua tumu kubhanga kienhiki, mbata ua mu kanena na-kiu tunde kizuua kia bhangele ufusa kua ndengʼiê Tamala.

II Samuuele 13:32 ပူးပေါင်းရင်းမြစ်များ

Dimatekenu 27:41

Izaú anga u zemba Jakobo, mukonda dia dibesá diodio dia mu zediuisa na-diu tatʼâ; Izaú anga u amba ku muxima uê, uixi: Izuua ia thambi ia phaietu ia zukama; phange iami Jakobo, kiene kiua ki ngi mu jibha.

II Samuuele 13:3

Aminone-phe hé u kala ni kamba diê, dijina diê Jonadabe, monʼa Siméia phangʼiâ Davidi; Jonadabe muenhú muthu uadimuka.

II Samuuele 13:33

Kiki-phe, kùku, mu muẋima ku kale ni kikote kia kufika kuma ana oso a muenexi afu; mukonda uafu ngó Aminone, kuabhu. Akuâ oso iá-uâ ni muenhu.

Jisálamu 7:14

Iala-ze, mukua phulu muenhó, mika ia mu kuata ia kuvuala, maji kingoho; uemita usuéia, u vuala makutu.

I Samuuele 16:9

Jese anga u bhitisa-bhu ue Xama. Samuuele uixi-phe: Iú ue ki muene a mu tungula kuala Jihova.