II Samuuele 13:28 - O Mikanda Ikola

²⁸ Abisalone anga u tendelela makuenze mê, uixi: Alukenu kiambote, kioso ki mu mona muẋima ua Aminone ua mu sanguluka kiá ni vinhu, se muevu nga mi ambela kuila: Aminone mu tienu! Enu-phe mu mu jibha muene; ki mu kale ni uoma, kabasa eme muene nga ki tumu; kolenu maku, mu bhange undanda!

II Samuuele 13:28 ပူးပေါင်းရင်းမြစ်များ

Dimatekenu 9:21

anga u nua ku vinhu iê, u kodiua; u zeka mu balaka iê, ni tuẋiʼa thakala;

II Samuuele 11:13

O kienhokio Davidi anga u mu ixana, Udiia hé u dia, u nua bhu pholo iê, anga u mu kodiuisa; mu ngoloxi-phe uia bhu kanga u zeka bhu muanza uê kumoxi ni makuenze a muadiʼê, ku inzo iê-muène-phe nguê kukulumuka-ku.

II Samuuele 11:15

Mu mukanda anga u soneka kiki, uixi: Udiia mu tienu ku pholo kuoso kua temanana o ita, enu mu vutuke ni dima, mu mu ehele-kiu ubheka uê, phala a mu kuame, a fue.

II Samuuele 12:10

O kiki-phe, xibhata mʼonzo ié ki i batuka-mu dingi, mukonda eme ua ngi tènde, mukaji a Udiia mukua Hiti ua mu tambula mu ku kala mukajiʼé.

II Samuuele 13:27

Abisalone-phe u mu jijidika, anga u ehela Aminone, ni ana oso a muenexi a mala kuia-nâ. Abisalone anga u bhanga fesa iadikota kala fesa ia Sobha iene.

II Samuuele 14:6

Ngi kahatu ké-phe, nga xedi ni anʼaiadi a mala, anga a dikuata mvunda ene ubheka uâ mu mukáu, ki bhuala u a muangununa, iú-phe u ta kituezu kua mukuâ, hé u mu jibha.

I Jisobha 20:16

Anga a tunda mu kaẋi ka kizuua, kienhoko Bene-hadade uala mu kúnua ni kukodiua mu jifundu, ni muene ni makuinhʼatatu a ʼsobha ni jiiadi, jejile ku mu kuatekesa.

Estere 1:10

Mu kizuua kia kasambuadi-phe, kioso o muẋima ua muenexi ki uala mu ngalasa mukonda dia vinhu, u tuma Mehumanu, ni Bizita, ni Hadibona, ni Bingita, ni Abangata, ni Zetadi, ni Kadikase, sambuadi dia jingolambole a tambula konda ia dibhata dia muenexi Asuuelo,

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Makatukilu 1:18

Muenexiʼa Ijitu anga uixana avuadixi, uixi: Phalahi mua-lu bhanga kienhiki, anʼa mala muala ku a bhaka ni muenhu?

Ndongixi 10:19

Athu o kuolela ene mu dʼixanenaku; o vinhu i sanguluisa o muenhu; maji mu ima ioso o kitadi kiene ki zuela.

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Daniiele 5:30

Usuku uenhó-phe, Belxazale, muenexi ua Kaldeia, anga a mu jibha.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Jipoxolo 5:29

Phetele-phe ni Jipoxolo a vutula exi: Tua bhingi tu tumaka Nzambi, kana athu.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Afundixi 19:22

Kioso-phe kiala mu di tambulula kiki, miẋima iâ ia sanguluka, bhu kala iiala iasekala ku akua bhata, a bhongoloka bhu kanga, a kala mu ṗhuṗha ni nguzu ioso ku dibhitu; muadiakime mukua ʼnzu anga a mu ambela, exi: Tubhula diiala dia tula mʼonzo ié, mbe tu mu ijiie.

Afundixi 19:6

Kala kiki, a xikama dingi kiiadi kiâ, a kala mu kúdia ni kúnua; muenhú uavu monʼê ua muhatu anga u ambela diiala, holomʼiê, uixi: Ku di suke, nga ku diondo, tu kadietu hanji, u zeke, tuinduluke-ku dingi kizuua kia lelu.

Afundixi 19:9

Kia balumuka-phe o diiala mu katuka, ni muene ni mukamʼê ni kaiala kê kala na-ku, ukouakimi, tata ia muhatu, u mu ambela, uixi: Kua mono kuila kumbi dia lembe kiá, tu kadietu dingi usuku ua lelu; kumbi diaii kiá, zeka dingi, u induluke; mungu mu di meneke kiua, muie ku bhata dienu.

Lute 3:7

Anga ki bhita kuila, Bouaji kia zubha kúdia ni kúnua, muẋima uê ua sanguluka, uia kuzeka bhu mbandu ia lumu ia sevada ia jimbundu. Lute anga uiza ni kuzonza, u vulumuna bhu inama ié, anga u zeka-bhu.

I Samuuele 18:22

Saúlo anga u ambela akua mbèle iê, uixi: Muenda ni kuzuela ni Davidi ku mbandu, mu mu ila kuma: Eie-ze muenexi ua ku uabhela, ni akua mbèle iê oso a ku zola; kala-phe u holomeʼa muenexi.

I Samuuele 28:10

Saúlu anga u mu lokela mu dijina dia Jihova, uixi: Kalè-ku Jihova ku muenhu, ku kale ngó ni uoma, ki kuiza mulonga mukonda dia kimʼiki.

I Samuuele 28:13

Muenexi anga u mu ambela, uixi: Ku kale ni uoma; maji-phe, ua monohi? Muhatu anga u ambela Saúlo, uixi: Nga mono nzambi iala kutunda mu mavu.