II Samuuele 13:22 - O Mikanda Ikola

²² Abisalone-phe ka kumuna ue kima kua Aminone, né kuâmba kizuelu kiauabha mba kiaiibha; kuma Abisolone uala kiá ni kizembu kia Aminone, mukonda ndengʼiê Tamala ua mu bhange ufusa mu kusuina.

II Samuuele 13:22 ပူးပေါင်းရင်းမြစ်များ

Dimatekenu 24:50

Bhenhobho ni Labanu ni Betuuele a vutula, exi: Kimbamba kia tundu kua Jihova ki tuala dingi ni kuzuela, né kiauabha, né kiaiibha.

Dimatekenu 31:24

Nzambi anga uiza kua Labano, mukua Sídia, ku nzoji mu usuku, uixi: Aiuka kioso ki ua-nda kubhanga, Jakobo kana kuzuela-nê kiauabha mba kiaiibha.

Dimatekenu 31:29

O nguzu-phe ngala na-iu mu lukuaku luami phala ku mi bhanga kiaiibha; maji o Nzambi-phe ia tatʼenu ua ngi zuelesa mu usuku ua mazá, uixi: Aiuka kioso ki ua-nda kubhanga; Jakobo kana kuzuela-nê kiauabha mba kiaiibha.

II Samuuele 13:21

O muenexi Davidi-phe ki evu ima ioso iii, u kala ni njinda iavulu. Maji ka mesenene ku bhanga kima kua Aminone, kuma ua mu zolele kiavulu, mukonda muene monʼê ua dianga.

Jisabhu 10:18

Uoso u kondeka o luma ni ku di-uabhesa ku mizumbu, mukua makutu; uoso-phe uenda ni kabódio, kioua.

Jisabhu 25:9

Di tetulule ni mukuenu muene, ku mu xe bhoxi anga ua kà mu tanga ndunda kuengi, hé u mu tungununa.

Jisabhu 26:24

Muthu ua zemba mukuá, u di uabhesa ni muzumbu; maji o moxi a muẋima-phe, ua sueka mangonha.

Jisabhu 26:26

Né hanji o luma luê u lu sueka kala muthu uambote, hádia usuéia uê ua-nda kutungunuka bhua tena o kionge.

Ndongixi 7:9

Kana kulenguluka ku kala ni njinda mu muenhu ué, kuma o njinda ia tunga bhu homba ia maióua.

Matesu 18:15

Mukuenu se ua ku te kituxi, ndeie u mu idikize kikuma kiê, maji ni eie ni muène ngó ku ubheka uenu. O kia kuívua, mukuenu ua mu nganhala.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Efezo 4:31

Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

I Nzuá 2:11

O uoso-phe u zemba phangʼiê, uala mua vundu, uenda mu kitombe, kejiia kuoso ku a di tela, mukonda o usuku ua mu fuisa o mesu.

I Nzuá 2:9

Uoso uambe kuma uala mu mukengeji, anga u kala mu zemba phangʼiê, iú-é hanji mua vundu katé ni lelu.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Nzuá 3:12

Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.

I Nzuá 3:15

Muthu uoso u zemba phangʼiê, kijibhangânga. Enu mua kʼijiia-phe kuma, kana kijibhangânga uala ni muenhu ki uàbhua, ua mu tungu moxi diê.