II Samuuele 13:20 - O Mikanda Ikola

²⁰ Kota diê Abisalone anga u mu ambela, uixi: Manhi, ni kidi kiene, kota dié Aminone ua ku bhange ni kima? Kuabhu-phe, di xibhe kiá ndengʼiami; muene phangʼié. Ku didié dingi ngó kiavulu. Kienhiki Tamala u xala ni kikote kiê mʼonzo ia kota diê Abisalone.

II Samuuele 13:20 ပူးပေါင်းရင်းမြစ်များ

Dimatekenu 34:2

Xikeme monʼa Hamolo, mukua Hivi, sobha iaʼxi ienhoio, monʼê ua diiala, kia mono Dinah, ua mu uabhela; anga u mu nhana, u zeka-nê u mu katula ujitu.

Dimatekenu 46:15

Ene osoʼá ene anʼa Liia, ana-mala a vualela Jakobo mu Padalane ni monʼê ua muhatu Dinah; ni anʼê a mala ni a ahatu a tena makuinhi atatu a mienhu ni kitatu.

II Samuuele 13:19

Tamala anga u di ta utoka mu mútue, u tandujula kizuatu kiê kialebha maku, u ta maku mê mu mútue, hé u bhita mu luua ni kudila ni kudikola.

II Samuuele 13:21

O muenexi Davidi-phe ki evu ima ioso iii, u kala ni njinda iavulu. Maji ka mesenene ku bhanga kima kua Aminone, kuma ua mu zolele kiavulu, mukonda muene monʼê ua dianga.

II Samuuele 14:24

Muenexi-phe uixi: A vutukile mʼonzo iê, maji ka ngi mone o pholo. Kienhiki Abisalone anga u suka ngó mʼonzo iê muene, bhu pholo ia muenexi ka bhiẋila-bhu.

Jisabhu 26:24

Muthu ua zemba mukuá, u di uabhesa ni muzumbu; maji o moxi a muẋima-phe, ua sueka mangonha.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.