II Samuuele 13:12 - O Mikanda Ikola

¹² Muene u mu vutuila, uixi: Kikôla, phangʼiami! Kana ku ngi bhanga kusuina! Kuma ka tokala kubhanga kala kiki mua Izalaiele; tula-kiu, kana kubhanga kisunji ki kala kiki!

II Samuuele 13:12 ပူးပေါင်းရင်းမြစ်များ

Dimatekenu 34:2

Xikeme monʼa Hamolo, mukua Hivi, sobha iaʼxi ienhoio, monʼê ua diiala, kia mono Dinah, ua mu uabhela; anga u mu nhana, u zeka-nê u mu katula ujitu.

Dimatekenu 34:7

Anʼa Jakobo a mala kioso kia tundu mu iangu, ia eza ku bhata, kia zubha ku kʼivua, kia iibhila kiavulu; anga a kala ni njinda ia vulu, mukonda ió ua bheka kisunji mua Izalaiele, mù zeka ni monʼa Jakobo ua muhatu, kima ki ki tokala ku ki bhanga.

Jisabhu 7:7

nga mono muʼaxaxe ka ilalu, hé ngi tongolola bhuʼaxaxii ka minzangala, mukuenze umoxi, ua kambe kilunji.

Jelemiia 29:23

Mukonda a bhange ulaji mua Izalaiele, iá a te jiphanda ni ahatu a akuâ, anga a tanga makutu mu dijina diami, maka eme ki nga a tumu ku a zuela. Eme-phe nga kʼijiia muene kiambote, kuma ngi mbangi ia ima ienhiʼii—eme ngi Jihova.

Ijila 18:11

O muhatu, monʼa mukajiʼa tatʼenu, a mu vuala kuala tatʼenu, ku mu zakule nʼu mu mono o tuẋi iê.

Ijila 18:9

Pangʼié ia muhatu, akale monʼa tatʼenu, akale monʼa mamʼenu, né a mu vualela mʼonzo ienu muene, mba a mu vualela kuengi, eie kana ku mu vungununa o tuẋi iê.

Ijila 20:17

O ki bhu kala diiala u di bonga ni phangʼiê ia muhatu, a mu vuala kuala tatʼâ, mba a mu vuala kuala mamʼâ, anga ela o diiala ua vungununa tuẋi ia muhatu, o muhatu ua vungununa tuẋi ia diiala, o kiókio-phe kikôla kuma abhange kilaua; kala kiki mu a jibhila muene bhu pholo ia akuâ oso a a vuala-na mu kifuẋi kiâ; diialʼodio kuma ua vungununa mukutu ua phangʼiê ia muhatu, phekalu iê utala-na-iu hadi, o kikuma kiê uiana-kiu ku thandu diê.

Matendelelu 22:21

kilumba muenhô aie-nê bhu muelu ua tatʼâ, o akua-bhata diê bhenhobho a mu bube ni matadi katé kiafua; mukonda uabhange ulaji mu Izalaiele, o ku di bhanga ndumbu mʼonzo ia tatʼâ; mu kubhanga-phe kienhiki, mua di zelesa.

Matendelelu 22:29

diialʼodio, afute makuinhi atanu a itadi ia phalata kua phaiʼâ, mukonda ua mu jingununa, anga usakana-nê kiá; maji ka tena ku mu senga, katé bhu ufuilu.

Afundixi 19:23

Muene mukua ʼnzu anga u tunda bhu kanga bhuala ene, uixi: Kana tata, phange jami, nga mi diondo, kana kubhukumuka kala kiki; phala-hi musonhi uami ua ngi tula mʼonzo, mu mu bhanga ufusa?

Afundixi 20:6

Bhenhobho ngi kuata mukamʼami, eme nga mu bhange ku idiandu-idiandu, eme nga mu tumukisa katé ku maẋokololo a ixi ia undundu ia Izalaiele; kuma ene a te kituxi, a bhange ufusa mua Izalaiele.