II Samuuele 13:1 - O Mikanda Ikola

¹ Kia zubha kubhita kiki, Abisalone monʼa Davidi u kala ni phangʼiê ia muhatu ua uabha, dijina diê Tamala; Aminone monʼa Davidi anga u mu uabhela kiavulu.

II Samuuele 13:1 ပူးပေါင်းရင်းမြစ်များ

Dimatekenu 29:18

Jakobo anga u uabhela Lakele; anga u zuela, uixi: Ngi ku bhikila mu sambuadi dia muvu, phala u ngi bhane monʼé Lakele, monʼé ua ndenge.

Dimatekenu 29:20

Kienhokio Jakobo anga u bhika sambuadi dia muvu mu kilembu, mukonda dia kuzola Lakele; anga u i fika kala tu izuua ngó mukonda dia ku mu zola kua mu zolele kiavulu.

Dimatekenu 34:3

Muxima uê anga u naminina kua Dinah, monʼa Jakobo ua muhatu, u zola kilumba kienhiki, o kia mu mono ua luuala, u mu zuelesa ni henda.

Dimatekenu 6:2

Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

II Samuuele 11:2

Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

II Samuuele 13:15

Kia zubha ku ki bhanga, Aminone u mu zemba kiá ni kizembu kiavulu kinéne; o kizembu kiala na-kiu kiala kiá kota, o henda ia mu kexile na-iu, iala ndenge. Aminone anga u mu ambela, uixi: Balumuka, tunda, uié.

II Samuuele 13:2

Aminone anga u tata, mukonda dia hânji ia phangʼiê Tamala; katé kia mu bhekela kukata, kuma Tamala kilumba hanji; Aminone iu ua ki mono kuila kiabhonzo ku mu bhanga kima kioso-kioso.

II Samuuele 14:27

Abisalone anga a mu vualela anʼatatu a mala, ni mona umoxi ua muhatu, dijina diê Tamala, anga u kala muhatu ua uabha ue kinéne o pholo.

I Jisobha 11:1

Sobha Solomá anga u dizola ni ahatu avulu akua jixi jengi, akua Mouabhe, ni akua Amone, ni akua Idumeia, ni akua Sidone, ni akua Hiti, ku thandu dia monʼa Falaó, a sakanenenê kiá.

I Malunda 3:2

O katatu, Abisalone, monʼa Mahaka, monʼa muhatu ua Talamai, sobha ia Jesule; o Kauana, Adoniia, monʼa Hajiti:

I Malunda 3:9

Ene-oso-â ana a Davidi, o ana a akama engi, ni Tamale, dia phange iâ ia muhetu.

Jisabhu 31:30

Kisangu-sangu ki nganala o muthu, o kuuabha ue kua mukutu kingoho; maji o muhatu-phe u kala ni uoma ua Jihova, ió muene a mu ximana.

Jisabhu 6:25

Uuabhelu ua pholo iê ki u ku sendule mu muẋima ué; muene kia kuata ku ku talesa, mesu mê kana ku a ehela ku ku diangula.