II Samuuele 12:24 - O Mikanda Ikola

²⁴ Davidi anga u konda malamba kua mukajiʼê Bete-seba, u bokona muoso muala, hé u zeka-nê; muene anga uimita hé u vuala mona ua diiala, u mu luka dijina dia Solomá. Jihova anga u mu zola.

II Samuuele 12:24 ပူးပေါင်းရင်းမြစ်များ

II Samuuele 12:25

Jihova anga u tuma ku mu ijidisa-kiu kua polofeta Natane, polofeta anga u mu luka dijina dia Jedediia, mukonda dia jihenda ja Jihova.

II Samuuele 5:14

Majina a anʼê a a vualela mu Jeluzaleme, enhá: Ni Samuua, ni Sobabe, ni Natane, ni Solomá,

II Samuuele 7:12

O kia kà tenena izuua ié, ki ua kʼàia ku kilu ni a-tatʼenu, nga kà zangeleka o mbutu ié i ku bhingana ku dima, i tunda mu divumu dié muene, o utuminu uê ngi u kuatesa, u kola kiambote.

I Jisobha 1:10

Maji o polofeta Natane-phe, ni Benaia, ni mazonda, ni phange iê Solomá, ka exana.

I Jisobha 1:11

Natane anga u zuelesa Bete-seba, mamʼâ Solomá, uixi: Eie kua kʼivua kuila Adoniia, monʼa Hakiti ua hingi ungana, maji o muenexi-phe, na Davidi ka kʼijiia?

I Malunda 29:1

Davidi anga uambela dingi o kionge kioso, uixi: Solomá, monʼ ami, a mu solo kuala Nzambi, uala hanji munzangala uòfele, o kikalakalu kiki kiavulu. Mukonda ki dizemba phala muthu, maji phala Jihova Nzambi.

I Malunda 3:5

Mu Jeluzaleme-phe ua vualela-mu, enhá: Siméia, ni Sobabe, ni Natane, ni Solomá; ana kiuana kiki ua a vuala ni Bate-Suua, mona a Amiiele.

Nehemiia 13:26

Manhi o Solomá, o sobha ia Izalaiele, mu kusakana kuenhuku ki muene mua tele kituxi, suke muʼaxaxe ka ifuẋi ia athu avulu kana-mu sobha ia di fuile-nê, ni mu ku mu zola kuala Nzambi iê, ni mu ku mu bhanga kukala sobha ia Izalaiele ioso kuala Nzambi? Ku thandu diê-phe anga ahatu a akua matumbu a mu tesa kituxi.

Jisabhu 4:3

Mbata eme ue nga kexi ngi mona ni tatʼetu; ngi muzelembete, eme-muène ngó a ngi zola kua mamʼetu.

Matesu 1:6

Jese u vuala sobha Davidi. Davidi u vuala Solomá kua ió ua diangele kukala mukaji a Udiia;

Matendelelu 33:12

Kia tanga Bejamí, uixi: Kazola kangene ka Jihova, ua-nda kutunga-nê bhua kondama. Kumbi dioso dia kambàmba, unanga ni ku mu vungina; muene anga ubutama bhuʼaxaxi ka isuxi iâ.