II Samuuele 12:20 - O Mikanda Ikola

²⁰ Behnhobho Davidi u balumuka bhoxi, u di sukula, u di uesa maji, u di ta izuatu iengi; anga u bokona mʼonzo ia Jihova, u samba; o kia zubha kubhanga kiki kiene kia bokona kiua mʼonzo iê muene, o kia bhingi, a mu tela kúdia, anga u dia.

II Samuuele 12:20 ပူးပေါင်းရင်းမြစ်များ

II Samuuele 12:19

Davidi-phe kia mono akua mbèle iê ala mu di fuetela, u tongolola kuma mona uafu; Davidi anga u ibhula akua mbèle, uixi: Mona manhi uafu, kuambe? Exi: Xi, uafu, ngana!

II Samuuele 12:21

Akua mbèle iê anga a mu ambela, exi: Ki ua bhangʼiki, uabhange kiebhi? Mona kia kexile ku muenhu, ua mu fudila kúdia, ua mu didi; mona-phe kia zubha kúfua, eie u balumuka bhoxi, hé uia mu kúdia?

II Samuuele 14:2

Jouabe anga u tuma ku Tekoua, u takana-ku muhatu mukua kilunji, anga u mu ambela, uixi: Nga ku diondo, u di bhangesa kala muthu ku muẋima kua mu bolo, uala mu dila dikokolo; u di ta izuatu ia luto, kana ku di uesa maji, u kala muene kala muthu ua bhange thembu iavulu ku luto mu dila difundu.

II Samuuele 19:24

Mefi-bozete ue, monʼa Saúlo, u kulumuka mu batuila Davidi. Muenephe ka di seke inama, ka di bhutu muezu, ka sukula izuatu, tunde kizuua kia katuka muenexi, katé kia bhongoloka ku bhata ni paze.

II Samuuele 6:17

Álaka ia Jihova anga a i bhiẋidisa, a i tula bhu kididi kiê mu kaẋi ka balaka ia iudika Davidi phala ku i bhakela-mu; Davidi anga u bhakula jisata ja kuoha, ni jisata ja kubhandulula kua Jihova.

II Samuuele 7:18

Davidi, muenexi, bhenhobho u bokona hé u xikama bhu pholo ia Jihova, uixi: emeʼeme nanhi, Ngana iami, Jihova, tata! dibhata diami akuahi, phala u ngi bheke ditala kala didi?

Jobe 1:20

Bheneʼobho, Jobe u balumuka, u tandula divunga diê, u konga jindemba mu mútue, hé u di takuila mu mavu, anga u bheza Nzambi.

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jisálamu 103:1

Tanesa, Jihova, muẋima uami; ioso ia ngi kala moxi, i tanese dijina diê dikola.

Jisálamu 103:8

Jihova ua lenduka, mukua kisambu, u kokoloka o kutema, o jihenda jê ji vula.

Jisálamu 39:9

Ngedi nʼemuene húdi, ki ngi zuela kima; kanu diami nga di jika mukonda eie ua ki bhange.

Jisálamu 95:6

Ndokuenu tu bhetame, phala tu bhezienu, tu fukame bhu pholo ia Jihova ua tu bhanga.

Jisabhu 3:7

Ku di-mone unjimu ku mesu mé eʼmuene; ku phulu tunda-ku, u xile Jihova,

Ndongixi 9:8

O izuatu ié izele jinge mu thembu joso, o mu mútue ué nuka mu kamba maji ma dizumba di nuha kiambote.

Matesu 6:17

Eie-phe ki u jila, di uese mútue, u di sukule mu pholo,

Luka 7:46

Eie ku ngi uaie mútue ni maji. Muène-phe ua ngi uaie inama ni nguendu.

Lute 3:3

Kiki-phe, eie dʼiẋike, u di uese maji a dizumba, u zuate o izuatu ié iamboteʼoio, uie bhu kienda kia kuvundila; muene-phe eie ku mu bhite luua ku mesu nʼa ku mono, katé kia kà zubha kúdia ni kúnua.

I Samuuele 15:25

O kiki-phe, nga ku diondo, ngi loloke kituxi ki nga te, u vutuke nʼeme, nda u ngi bheke, ngi bheze Jihova.

I Samuuele 15:31

Kienhiki Samuuele hé u vutuka dingi, uia mu bheka Saúlo; Saúlo u bheza Jihova.