II Samuuele 12:17 - O Mikanda Ikola

¹⁷ Adiakimi a dibhata anga a mu imanena, a sota ku mu balumuna bhoxi bhua zeka; maji muene-phe ngué kubalumuka, ni kúdia-nâ kumoxi ka xikina.

II Samuuele 12:17 ပူးပေါင်းရင်းမြစ်များ

Dimatekenu 24:2

Mbalahamu anga u ambela selevende iê ua kexi dikota mu dibhata diê, mutumini a ima ioso ia kexile na-iu, uixi: Tá lukuaku lué koxi a ditabela diami.

Dimatekenu 37:35

Ni anʼê oso a mala ni a ahatu a balumuka mu ku mu konda malamba; muene-phe nguaiê ku mu konda malamba, uixi: Ngiia muene ni masoxi kuʼalunga kuaii monʼami. Tatʼâ anga u kala muene ni ku mu dila kienhiki.

II Samuuele 12:18

Edi a kala kienhiki katé mu sambuadi dia izuua, o mona uafu. Akua mbèle ia Davidi anga a kala ni uoma ua ku mu tangela kuila mona uafu; kuma ambe, exi: Sumbala kia kexile mona ku muenhu, tuila tu mu zuelesa, ka xikina ku tu ivua dízui, o ki tu mu tangela kuila mona uafu, ua-nda ku di bhanga kiebhi?

II Samuuele 3:35

Mundu uoso anga eza kua Davidi ku mu bhomba kudia mu muanha hanji; maji Davidi-phe u loka, uixi: Nzambi a ngi bhange-kiu, a ngi tele-ku, se ngi lola kúdia kuoso-kuoso katé ki tula o dikumbi.

Jisálamu 102:4

Muẋima uami ua xoueta, ua lela muene kala iangu; ni kúdia ngó o kadikoka kami kua ngi jimbi kiá.

Daniiele 6:18

Sobha ua bokona mu dizêmba diê, anga usuku uoso u u bhita sé ngó kúdia kima, kʼehela ku mu xikila jimujika bhu pholo iê; o kilu mu mesu kia mu lenge.

I Samuuele 28:23

Maji muene-phe u dituna, uixi: Nguami kúdia. Akua mbèle iê-phe, ni muhatu kumoxi, a mu bhinjika, anga u ivua kiua dízui diâ. Anga u balumuka bhoxi, u xikama bhu hama.