II Samuuele 12:16 - O Mikanda Ikola

¹⁶ Kienhiki Davidi u kala mu diondela o mona ni ku samba kua Nzambi; Davidi anga u fula kúdia, u kala muia mu xilu, ni kuzeka bhoxi usuku uoso, uzuata kidinhaji.

II Samuuele 12:16 ပူးပေါင်းရင်းမြစ်များ

II Samuuele 12:15

Natane anga u tunda-bhu, uia ku bhata diê. Jihova anga u kuama mona, a mu vualela Davidi kuala mukajiʼa Udiia, mona anga u kata kiavulu.

II Samuuele 12:22

Muene-phe uixi: Mona kia kexile ku muenhu, ngi fula kúdia, ngi dila, kuma ngambe, ngixi: Nanhi ua kʼijiia mba Jihova u ngi kuatela henda, phala mona a bhuluke?

II Samuuele 13:31

Bhenhobho sobha Davidi u balumuka, hé u tandujula o izuatu iê, u di takula mu mavu; akua mbèle iê ene oso anga a mu imanena ue ni izuatu iâ ia tandujuka.

I Jisobha 21:27

Anga ki bhita-phe kuila, kia zubha Akabe kuivua maka iá, u tandujula o izuatu iê, anga u zuata dikuba ku mukutu uê, anga u jila; anga u zeka jinga ni dikuba, ni kuenda ni kutululuka kuoso, ni kudijingununa.

Nehemiia 1:4

Anga ki bhita kuma, eme mu kuívua o maka iá, nga xikama hanji anga ngi dila, anga ngi bhita izuua muene ni dilamba; anga ngi kuata kujila ni kusamba bhu pholo ia Nzambi ia diulu.

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 69:10

Nga didi, nga di talesa muene hadi ni kujila; maji o kienhiki ue, kia ngi bongesa malebhu!

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 26:16

Maji, tata, kioso kia a kondo o ngongo, ejiie ku ku sota; kioso ue ki ua a bazela, ene-phe a mbolojoka ni kusamba mu kasuèkele.

Daniiele 6:18

Sobha ua bokona mu dizêmba diê, anga usuku uoso u u bhita sé ngó kúdia kima, kʼehela ku mu xikila jimujika bhu pholo iê; o kilu mu mesu kia mu lenge.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Jipoxolo 9:9

Anga u bhanga izuua itatu ku ufofo, o mu izuua ioso iii u jila kudia ni kunua.

Josuué 7:6

Josuué anga u tandula izuatu iê, u di bhala pholo bhoxi, bhu pholo ia álaka ia Jihova, katé mu ngoloxi, ni muene ni adiakimi a Izalaiele; anga a di kuua mavu mu mítue.