II Samuuele 12:14 - O Mikanda Ikola

¹⁴ Suke kiene, maji mukonda-phe kima ki ua bhangʼiki, kia suinisa jinguma mu tanga kiaiibha kua Jihova, o mona ua mu vuala ua-nda kúfua muene, sé kufula,

II Samuuele 12:14 ပူးပေါင်းရင်းမြစ်များ

II Samuuele 12:15

Natane anga u tunda-bhu, uia ku bhata diê. Jihova anga u kuama mona, a mu vualela Davidi kuala mukajiʼa Udiia, mona anga u kata kiavulu.

Nehemiia 5:9

Ngixi dingi: Ki mua mu bhanga kima kiambote! Kífua ki mua fuamene kuenda mu uoma ua Nzambi, mbé kuiengesa ku tu lebhula kuala jinguma jetu, o matumbu?

Jisálamu 69:6

Ki ki bhite, Ngana, u Jihova dia ilômbo, kuila athu amukuá ala ku ku kinga, a kuata jisonhi mukonda diami eme; Ngana Nzambi, athu amukuá ala ku ku sota, ka sebuluke mukonda diami eme, u Nzambi ia Izalaiele, tata!

Jisálamu 74:10

Mbambe, bhebhi, Ngana Nzambi ni ku tu sebulula kiki kuala o nguma? Mbé o nguma kífua u ẋonguena o dijina dié sé dizubhilu?

Jisálamu 94:12

Muthu-phe u zediua, se eie u Jihova ua mu beta, hé u mu longa mu ngonge ié.

Jisálamu 99:8

Eie uà etaia jinga muene, u Jihova, Nzambi ietu; ua kexe eie u Nzambi ia ku a loloka; sumbala o imbamba iâ iaiibha ia bhanga jinga, eie ua i kaxtikala.

Izaía 52:5

Kiki-phe ngi bhanga kiebhi, eme Jihova? Kuma o mundu uami a u bhundile sè kikuma; O oso a mu u tumina aia ni kuhunza, Jihova muene ua ki tange; o dijina diami a kuata ku di lebhula kumbi dioso dia kambàmba.

Amoji 3:2

Ku miji ioso mu ngongo enu ngó nga mʼijiia; mukonda dia kienʼiki imbamba ienu ia kutondala kuoso ku mu tondala, nga-nda ku i vutuila phonzo ku thandu dienu.

Matesu 18:7

Lamba dia mundu mukonda dia ifudisu i bhekela athu ku ngi xisa Eme! Ima iíi kia bhingi i bhita muene, maji uoso-phe u i bheka, lamba diê!

Loma 2:24

Kala kia ki soneka mu Mikanda Ikôla, exi: Mukonda dienu, enu mu Jijudé, o dijina dia Nzambi a di xingi muʼaxaxe ka matumbu.

I Kolindo 11:32

O ki tu tambula-phe kaxtiku, Ngana ua tu beta, phala hinu ka kà tu êlese kumoxi ni mundu.

Jihebeleu 12:6

Kuma Ngana uoso ua mu zola u mu longa, uoso a mu tambulula kuma mona, u mu beta.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.