II Samuuele 11:6 - O Mikanda Ikola

⁶ Davidi anga u tuma kua Jouabe, uixi: Udiia, mukua Hiti, ngi tumikisenê. Jouabe anga u tumikisa Udiia kua Davidi.

II Samuuele 11:6 ပူးပေါင်းရင်းမြစ်များ

Dimatekenu 4:7

Se u bhanga kia-mbote, manhi ka ku ẋikina? Ki uila-phe u bhanga kiaiibha, kituxi kia ku batamena bhu muelu; kia ku hamena muene, maji eie ua tokala u ki tumina.

II Samuuele 11:5

Muhatu anga u imita; hé u tuma kutangela Davidi, uixi: Ngala-ze ni divumu.

II Samuuele 11:7

Kia zubha Udiia kutula, Davidi u mu ibhula mba Jouabe ua zekele kiebhi, o mundu uala kiebhi, ni ita mba ala ku i lua kiebhi.

II Samuuele 23:39

Udiia mukua Hiti; ene oso makuinhi atatu a muthu ni sambuadi.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Matesu 26:70

Muène-phe udituna bhu pholo ia ene oso, uixi: Ki uala kuzuela, eme ki nga kʼijiia.

Matesu 26:72

Muène anga udituna dingi ni kulôka, uixi: Xinge phaietu muène! Iala muenhó ki nga muʼijiia ngó!

Matesu 26:74

Muène anga u kuata kuxinga ni kulôka, uixi: Nzambi a ngi bhane kaxtiku, se o diiala dienhidi eme nga mu ijiia ngó! Kindala kienhókio dikolombolo anga di kokola.

I Samuuele 15:30

Muene bhenhobho uixi: Nga te kituxi; kiki-phe ngi bhange kia ngó ujitu, nga ku diondo, bhu pholo ia adiakimi a mundu, ni bhu pholo ia Izalaiele, nda uize u ngi bheke, phala ngi bheze Jihova Nzambi ié.